睇雜誌介紹宜間蝦湯底拉麵好似幾特別
所以尋晚收工去試一試
可能d人去哂附近d酒吧飲酒吹水
星期5晚7:15pm左右竟然唔係太多人
拉麵店內地方寬敞 唔似一般拉麵店咁好迫
1
睇下menu
一場黎到 我就揀左最貴既海老拉麵
等左陣拉麵就到喇
海老拉麵入有1隻開邊蝦、3片燒過雞肉同半隻蛋
當然最緊要係個湯底
湯底果然好suprise
好重蝦膏味 好濃 鐘意蝦既人一定好鐘意
但又唔會好似豬骨湯底咁杰 所以唔會好膩
最後我食完個麵仲飲哂d湯
至於麵 就有3種軟硬可以揀 我就揀左普通
餸果方面隻蝦比平時食到既淋身d 唔知係咩品種 味道都幾甜
雞肉係用燒過既雞胸肉 外面少少脆 入面有d"鞋"
蛋就正常 同普通拉麵店既一樣
1
總括黎講 宜個麵最緊要既湯底我比佢好高既評價
如果係蝦既愛好者 或者食厭左豬骨湯底既拉麵店既人
一定要去試宜間!!
