Video
Read full review
2019-05-19
945 views
窮遊香港-香港小見古風糖水店.平時番大陸搵食 古風餐廳就見唔小近排香港開左一間 古代客棧風格既糖水店主打精美糕點 糖水 粉麵‼️仲可以免費穿著在場全部古裝大玩cosplay 在場都見到唔小種類例如皇上 格格 清兵 小歡子等等可以著住打卡 影相 食飯都得是日都見到 家長帶埋小朋友黎玩得幾開心爸爸做皇上 細佬做武俠......（衣著同餐牌可以睇睇圖先）.👍🏻環境風格方面 係香港黎講都做得好出色👍🏻十足古代客棧風格👍🏻無論係裝修 木枱 店員衣著都做到古風👍🏻連店員服務都玩埋古風只要你唔怕羞 可以拍台大叫：小二攞酒黎佢地都會大方有禮回應：客官.......（講笑....但只要有禮 店員會陪你玩既）.好 開始講野食最吸精既一定係 佢地既精品糕點⭐️麻雀椰汁糕$88 （可睇圖）😍賣相一流 一睇就知係用黎打卡呃like既🤣遠望真係幾可亂真😍搖佢會震下震下而且仲有象棋選擇絕對係一個精美既糕點.⭐️重慶酸辣粉$36一餸 叫左微辣（可睇圖）ok既 但食到譚仔小辣既我認為下次可以再叫辣d 酸d重口味d會更好.野飲賣相係一個酒瓶 真係好靚（可睇圖）有落心機去設計.⭐️花雕醉雞翼$36 4隻（可睇圖）暖暖地 酒味好香
.
平時番大陸搵食 古風餐廳就見唔小
近排香港開左一間 古代客棧風格既糖水店
主打精美糕點 糖水 粉麵
‼️仲可以免費穿著在場全部古裝
大玩cosplay 在場都見到唔小種類
例如皇上 格格 清兵 小歡子等等
可以著住打卡 影相 食飯都得
是日都見到 家長帶埋小朋友黎玩得幾開心
爸爸做皇上 細佬做武俠......
（衣著同餐牌可以睇睇圖先）
.
👍🏻環境風格方面 係香港黎講都做得好出色
👍🏻十足古代客棧風格
👍🏻無論係裝修 木枱 店員衣著都做到古風
👍🏻連店員服務都玩埋古風
只要你唔怕羞 可以拍台大叫：小二攞酒黎
佢地都會大方有禮回應：客官.......
（講笑....但只要有禮 店員會陪你玩既）
.
好 開始講野食
最吸精既一定係 佢地既精品糕點
⭐️麻雀椰汁糕$88 （可睇圖）
😍賣相一流 一睇就知係用黎打卡呃like既
🤣遠望真係幾可亂真
😍搖佢會震下震下
而且仲有象棋選擇
絕對係一個精美既糕點
.
⭐️重慶酸辣粉$36一餸 叫左微辣（可睇圖）
ok既 但食到譚仔小辣既我
認為下次可以再叫辣d 酸d重口味d會更好
.
野飲賣相係一個酒瓶 真係好靚（可睇圖）
有落心機去設計
.
⭐️花雕醉雞翼$36 4隻（可睇圖）
暖暖地 酒味好香 好重 重到有小小苦口
而做法似係滷水雞翼既肉質
🙁小小失望
我預期 如果係凍白雲雞翼既肉質
雞皮爽彈 再加埋呢個汁就一流啦
.
⭐️滷水汁魚蛋$10 6粒
個滷水汁好味 但魚蛋唔夠彈牙
但呢間既質地 已經好過好多掃街
.
⭐️芒果仙草$38+芋圓$10 （可睇圖）
👍🏻份量偏大
👍🏻芒果量多 是日芒果唔酸好甜
👍🏻芋圓軟熟 特別係紫薯 咬開好香番薯味
仲有豆腐雪糕 底下仙草加奶
整體配合幾好
.
最後門前仲有d 武林秘笈筆記簿可以買走（可睇圖）
幾過引既 問過店員$30一本
.
⭐️總結
旺角地點就腳
得閒上黎食一碗甜品 唔貴
又可以玩下cosplay
得閒自己 或帶埋小朋友去 其實幾開心既
.
（ps：店員見我望住d細路玩cosplay 有主動叫我唔洗怕羞 一齊玩啦 但最後....我當然係怕羞啦 服務加分）
.
#雲來客棧 (旺角)
地址：旺角彌敦道726號11樓全層
.
⭐️評分：
味道：3.8/5
環境：5/5 環境新淨 環境乾淨 裝修夠新
服務：4.5/5 服務有禮 而且會陪你玩
抵食：4/5
Post
