Read full review
2021-04-04
4812 views
幾個月之前聽朋友講佐敦有間火鍋店用了1,200萬嚟裝修，而全間餐廳都係打卡位嘅時候，我就十分期待，係呢個市況，絕對係非常有Gimmick，而且相信比政府乜乜計劃更加推動經濟。 我相信很多人嘅朋友圈都會見過呢間餐廳，香江花月，你身邊總會有唔少女士打過卡，我咁肯定呢個火鍋一定係全香港最靚嘅打卡火鍋，而且係近期最潮。 最重要係唔止嘢食打卡，成個場都係唔同嘅打卡位，有好多女士特登打扮得花枝招展懷舊look來打卡，枱枱陣容都係幾個女士又或者一男一女咁打卡。 入到餐廳，就係個bar枱已經非常吸晴，我想起《閃靈》入面的bar，連埋那個好似team lab咁嘅打卡位，再加上有懷舊打字機同電話的裝飾，淨係影相都好唔得閒。 講完裝修打卡，食物打卡先勁。首先三杯飲品蝶中花，瑰洛月，鳳琉香，三杯飲品都各有自己嘅風格，全部都美輪美奐，仲要係唔止好睇，味道方面都真係幾好，當中我最愛蝶中花，靚到不得了，少女心爆發。 幾個前菜都大推介，無論金粒豆腐，酥炸廣島蠔，黃金炸魚皮，泰式無骨鳳爪都係大推，無得輸，不過小心打邊爐之前食咁多嘅話會好容易飽，飲啤酒送，一流。 牛乳玫瑰鍋，又係可
我相信很多人嘅朋友圈都會見過呢間餐廳，香江花月，你身邊總會有唔少女士打過卡，我咁肯定呢個火鍋一定係全香港最靚嘅打卡火鍋，而且係近期最潮。
最重要係唔止嘢食打卡，成個場都係唔同嘅打卡位，有好多女士特登打扮得花枝招展懷舊look來打卡，枱枱陣容都係幾個女士又或者一男一女咁打卡。
入到餐廳，就係個bar枱已經非常吸晴，我想起《閃靈》入面的bar，連埋那個好似team lab咁嘅打卡位，再加上有懷舊打字機同電話的裝飾，淨係影相都好唔得閒。
講完裝修打卡，食物打卡先勁。首先三杯飲品蝶中花，瑰洛月，鳳琉香，三杯飲品都各有自己嘅風格，全部都美輪美奐，仲要係唔止好睇，味道方面都真係幾好，當中我最愛蝶中花，靚到不得了，少女心爆發。
幾個前菜都大推介，無論金粒豆腐，酥炸廣島蠔，黃金炸魚皮，泰式無骨鳳爪都係大推，無得輸，不過小心打邊爐之前食咁多嘅話會好容易飽，飲啤酒送，一流。
牛乳玫瑰鍋，又係可以打卡，以牛奶為主配牛肉最正，因此叫呢個湯底，另外有點會不吃點題作香港拼全牛。
全牛質素好高，員工同我哋逐樣介紹，但係你全程會掛住影相打卡，都完全聽唔到每種唔同嘅牛究竟係乜嘢部位。
當然仲有唔少火鍋料都可以打卡，例如三色麵同三色餃，味道來講相對三色麵我覺得非常精彩，三色餃水準就完全唔同。
冬甩墨魚果籽口感勁得意，味道特別未必個個鍾意。
當然也叫咗其他食物淮山，萵筍，炸午餐肉等等，仲有勁靚嘅雜菜籃，價錢都唔算太貴，份量又適中，唯獨無試海鮮，因為唔想咁貴，下次先試。
總括成個經驗同打卡都不錯，以火鍋店黎講間餐廳都真係好靚，唯一要投訴嘅就係，大廈嗰電梯真係非常之唔好嘅體驗，建議行樓梯。
香江花月
佐敦佐敦道35號百誠大廈2樓
Post
