Read full review
2016-09-04
5639 views
姨姨是寧波人，是晚帶小胃胃去食寧波菜。之前聽講寧波菜偏甜，連主菜都好似甜品咁，令小胃胃好期待。一去到就有侍應生送上小吃，係甜甜酸酸既涼菜，爽口開胃，，另外仲有熟花生，好淋，應該落足時間煮左好耐。前菜有淆肉醉雞燻鰻魚淆肉同醉雞係大路菜 試唔到真功夫燻鰻魚較特別 甜甜地 入口酥脆 好食!仲有一個係青粒粒既菜 聽姨姨講係寧波特有 不過唔記得個名(好似叫馬蘭頭)臭豆腐其實平時係街都成日心思思想試 不過又怕唔衞生 今次試到 好特別又香口 有個甜辣醬 加埋會好似冇咁重口味 不過小胃胃比較鍾意空口食 等d臭味充滿我個口腔!!! 就好似食榴蓮既感覺咁!清炒河蝦仁蝦仁好細粒 但好大碟絕不欺場 粒粒爽甜 蟹粉小籠包同出面冇乜分別 可能未係大閘蟹季節 冇話好香蟹羔味家常餅好大份... 有少少油膩 不過個蔥好香 食到尾既時候姨姨都仲食多左件 不過凍曬已經冇熱辣辣個時咁好食年糕炒蟹隻蟹超級大隻 個爪好多肉 殼入面全部都係蟹羔 年糕沾滿蟹汁 味道濃但仍食得出蟹既甜味砂鍋雞侍應將雞同豬腩肉等湯渣撈起 再分湯 每碗都有兩條小唐菜 湯一滴油都冇 雞一早已去皮 但最神奇既係 咁大條腩肉 都可以冇油 所以我就吉左個腩肉 個
一去到就有侍應生送上小吃，係甜甜酸酸既涼菜，爽口開胃，，另外仲有熟花生，好淋，應該落足時間煮左好耐。
前菜有淆肉醉雞燻鰻魚
淆肉同醉雞係大路菜 試唔到真功夫
燻鰻魚較特別 甜甜地 入口酥脆 好食!
仲有一個係青粒粒既菜 聽姨姨講係寧波特有 不過唔記得個名(好似叫馬蘭頭)
臭豆腐
其實平時係街都成日心思思想試 不過又怕唔衞生 今次試到 好特別又香口 有個甜辣醬 加埋會好似冇咁重口味 不過小胃胃比較鍾意空口食 等d臭味充滿我個口腔!!! 就好似食榴蓮既感覺咁!
清炒河蝦仁
蝦仁好細粒 但好大碟絕不欺場 粒粒爽甜
蟹粉小籠包
同出面冇乜分別 可能未係大閘蟹季節 冇話好香蟹羔味
家常餅
好大份... 有少少油膩 不過個蔥好香 食到尾既時候姨姨都仲食多左件 不過凍曬已經冇熱辣辣個時咁好食
年糕炒蟹
隻蟹超級大隻 個爪好多肉 殼入面全部都係蟹羔 年糕沾滿蟹汁 味道濃但仍食得出蟹既甜味
砂鍋雞
侍應將雞同豬腩肉等湯渣撈起 再分湯 每碗都有兩條小唐菜 湯一滴油都冇 雞一早已去皮 但最神奇既係 咁大條腩肉 都可以冇油 所以我就吉左個腩肉 個豬皮不得了!! 一掂即溶!! 原來個湯煲左超過八個鐘 難怪有濃濃既雞味之餘 飲落仲好有膠質 唔知係咪心理作用 好似好多骨膠原好補好潤咁 菜更是甜甜的 食返湯渣都覺得好好咁
樟茶鴨
遠遠已經聞到樟茶鴨既香味 經蒸焗炸熏多重功夫 果然係一絕 皮脆且肉酥化 鴨胸不單啖啖肉 仲好juicy 好有口感 反而脾位麻麻地 乾身左少少
椒鹽元蹄
個個見到都即刻放低手上食物 對呢隻豬蹄發動攻勢 姨姨話自己屋企一定整唔到咁軟熟咁鬆化 仲要個皮脆卜卜但腱膜濕潤又有膠質既leem口 伴碟係樹葉 (大概係小菜葉炸脆左 好似紫菜咁)
浸菜
可能係食得太多肉 一見菜我就食左好多 清清地 應該用左雞湯(即係上湯)黎浸 帶起左菜既甜味(就好似頭先個砂鍋雞既小唐菜咁)
八寶餅
蒸既八寶糕成了pizza 般既大甜餅 其實又唔算甜 味比出面清 分量多一倍 媽媽同姨姨都食左兩塊 但因為太多野所以包起左2/3個
p.s. 真係好大份 我地五個人包左四盒野返屋企 包括半個家常餅 半份年糕(蟹已食曬) 1/4份鴨 同八寶餅
p.s. 2 聽講熏蛋都好好食 下次要試到!
Post