阿太車仔麵

細個成日同屋企人去食車仔麵，食開觀塘有間又執左。今次就去試吓附近呢間車仔麵。叫左佢個三餸麵，辣魚旦、醬汁魷魚同豬大腸粗麵小辣，加左個手拍青瓜，跟餐包一杯熱飲。

3個餸都唔差，中規中矩。魷魚就車仔麵必叫架啦，佢呢個醬好嘢味，啲魷魚麵好彈牙。豬大腸有成五舊又唔係簿切，不錯！另外魚旦冇咩特別就唔講啦。個麵底我個人覺得麵幾大個，食到尾好飽。

個拍青瓜好清爽，因為我碗麵幾辣，有個青瓜就好正啦！不過無咩特別可以唔使特登叫。