Read full review
2017-12-26
5068 views
好耐冇約好姐妹出嚟見面, 由於我收工收得最夜 ，大家就就我去咗旺角，今次buddy揀咗一間韓國餐廳食,位置喺瓊華中心,非常方便 ,放工之後行三分鐘就到啦 。不過由於都幾多食肆，所以都排咗一陣隊先搭到𨋢上去，一去到見到個場好光猛，以木色為主，枱同枱之間又唔會好迫， 非常舒服。 可能因為book咗枱，waiter帶我哋去窗口位坐,有少少街景都唔錯。朋友話呢間餐廳出名烤雞好食，咁當然我哋都要嗌啦， 之前去食韓國炸雞，通常得辣味同原味 ，但呢間餐廳嘅 menu上面有好多款。仲要款款都好吸引 ，但係我哋得三個人又點可以叫咁多呀，最後叫咗兩款分別係三重芝味烤雞同黑椒烤雞。烤雞分量算多 ，啲雞都幾嫩滑，最緊要係冇乜油味，喺出面食好多餐廳啲炸雞都好大陣油益味， 但係呢間感覺非常新鮮。芝士炸雞嘅芝士味唔會太濃， 未放入口已經聞到芝士嘅香味， 食落唔會有好漏既感覺， 芝士控必試!而黑椒烤雞 就少少辣 ，幾特別 ，不過我係鍾意芝士雞多啲。另外仲叫咗一個沙律 ，整體嘅感覺好新鮮， 沙律菜夠曬爽脆， 而且又有車厘茄同麵包糠 ， 材料相當豐富， 實屬健康之選。基於樣樣都太吸引,我哋忍唔住又嗌多咗個芝士炒年糕，年糕
可能因為book咗枱，waiter帶我哋去窗口位坐,有少少街景都唔錯。
朋友話呢間餐廳出名烤雞好食，咁當然我哋都要嗌啦， 之前去食韓國炸雞，通常得辣味同原味 ，但呢間餐廳嘅 menu上面有好多款。仲要款款都好吸引 ，但係我哋得三個人又點可以叫咁多呀，最後叫咗兩款分別係三重芝味烤雞同黑椒烤雞。烤雞分量算多 ，啲雞都幾嫩滑，最緊要係冇乜油味，喺出面食好多餐廳啲炸雞都好大陣油益味， 但係呢間感覺非常新鮮。
芝士炸雞嘅芝士味唔會太濃， 未放入口已經聞到芝士嘅香味， 食落唔會有好漏既感覺， 芝士控必試!
而黑椒烤雞 就少少辣 ，幾特別 ，不過我係鍾意芝士雞多啲。
另外仲叫咗一個沙律 ，整體嘅感覺好新鮮， 沙律菜夠曬爽脆， 而且又有車厘茄同麵包糠 ， 材料相當豐富， 實屬健康之選。
基於樣樣都太吸引,我哋忍唔住又嗌多咗個芝士炒年糕，年糕非常煙韌 ，芝士份量非常充足， 可以營造到拉絲感覺。
因為要左太多嘢食啦，所以我哋就order左一揸檸檬雞尾酒飲,清清哋,唔會太甜。唯一可以講嘅就係如果凍啲就好飲啲啦。
整體嚟講服務非常好，環境舒適，坐得耐又唔會催趕客人， 一定會再來幫襯。
Post
