cafe TOO

190
83
44
Level4
636
1
媽媽生日, 佢話要食呢度個buffet, 而且佢有coupon, 就算山長水遠, 都要入嚟呢度食..............開頭期望都幾高, 話哂呢度都係五星級酒店入面的西餐廳, 水準當然有番咁上下, 而且價錢有番咁上下, 預計都會有生蠔食掛, 點知....................雖然book咗七點半, 但七點左右已經到咗, 所以入嚟攞枱先, 順便視察一下有咩食, 等母親大人嚟到, 可以即時向佢匯報..............坐低之後, 環視四周, 其實已經睇到哂大約有咩食, 有邊度d美食要排隊...............唔知呢度係咪高級地方, 連d食客都高級d, 斯文d, 唔會出現搶食的情況, 無論人多或人少, 都會排隊, 等前面果個人拎完先, 非常值得讚許~~ 連d待應同廚師都非常有禮貌, 而且個個笑容滿面, 咁樣令食客都食得開心d啦~~~ 頭盤 大大隻的波士頓龍蝦任拎, 隻隻都啖啖肉, 食多幾隻已經番本~~ d肉好甜, 仲有d海水味, 覺得自己好豪, 成隻龍蝦咁食, 連佢隻鉗都好好肉~~~ 凍蝦size適中, 肉質又好爽, 但間中都選中有d梅............
Read full review
媽媽生日, 佢話要食呢度個buffet, 而且佢有coupon, 就算山長水遠, 都要入嚟呢度食..............開頭期望都幾高, 話哂呢度都係五星級酒店入面的西餐廳, 水準當然有番咁上下, 而且價錢有番咁上下, 預計都會有生蠔食掛, 點知....................

雖然book咗七點半, 但七點左右已經到咗, 所以入嚟攞枱先, 順便視察一下有咩食, 等母親大人嚟到, 可以即時向佢匯報..............坐低之後, 環視四周, 其實已經睇到哂大約有咩食, 有邊度d美食要排隊...............唔知呢度係咪高級地方, 連d食客都高級d, 斯文d, 唔會出現搶食的情況, 無論人多或人少, 都會排隊, 等前面果個人拎完先, 非常值得讚許~~
連d待應同廚師都非常有禮貌, 而且個個笑容滿面, 咁樣令食客都食得開心d啦~~~

頭盤
冷盤
79 views
0 likes
0 comments
大大隻的波士頓龍蝦任拎, 隻隻都啖啖肉, 食多幾隻已經番本~~ d肉好甜, 仲有d海水味, 覺得自己好豪, 成隻龍蝦咁食, 連佢隻鉗都好好肉~~~
凍蝦size適中, 肉質又好爽, 但間中都選中有d梅................
青口一般, 太細隻

刺身+壽司
刺身/壽司
35 views
0 likes
0 comments
刺身款式唔多, 要咗三文魚同立魚, 味道都幾鮮味, 最重要係厚切~~

壽司似係交貨, 魚生同飯係冇包實, 好似只係將塊魚生放上舊飯上面咁, 唔係好得lor~~~

點心
小籠包
45 views
0 likes
0 comments
有好多款, 有蝦餃、燒賣、小籠包等等, 大部份都係放响一大竹籠入面, 等你自己食幾多夾幾多, 但我淨係試咗小籠包, 佢係獨立一籠一隻, 不過個皮厚咗少少, 同埋唔夠湯~~~

鵝肝帶子
帶子鵝肝
83 views
0 likes
0 comments
呢度遠長期都有人排隊, 第一次排到我時冇哂, 隔咗一陣我再去排, 都排咗唔夠十分鐘, 新鮮熱辣的鵝肝帶子終於可以食~~ 鵝肝煎得好香好脆, 不過好多油, 帶子就好厚身, 好有口感~~ 再伴多條露筍, 但已經比d鵝肝油包住, 好油lor~~~ 如果你唔怕油, 又唔怕排, 食多幾碟已經番本~~

燉湯
燉湯
47 views
0 likes
0 comments
差不多八點, 突然聽到 "噹", 然後見有好多人走去排隊, 我當然唔執輸, 唔理三七二十一, 走去排埋一份, 見到個燉盅好得意, 好中式味道, 因為有個佛頭做蓋, 當拎到番位一打開, 以為係翅, 原來係燉湯, 諗住好正, 但其實麻麻地, 屋企人都話唔得, 似味精湯多d~~~

熱盤
熱盤
82 views
0 likes
0 comments
種類好似好多, 但冇乜特別, 來來去去都係果d, 尤其夾咗幾樣, 再加多塊牛仔肉食, 味道尚算OK~

擔擔麵
擔擔麵
47 views
0 likes
0 comments
一路食飯, 一路聽到師傅成日撻麵粉, 心諗應該好彈牙, 所以order咗一碗試試, 但原來唔好食, d麵好林, 完全一d都唔彈牙, 但湯又淨係得吪生醬味~~~

甜品
甜品
44 views
0 likes
0 comments
甜品
43 views
0 likes
0 comments
甜品
43 views
0 likes
0 comments
生果+梳乎里
60 views
0 likes
0 comments
食buffet點可以唔留番個肚食甜品, 甜品款式種類好多, 但到我地食果時, 已經好多款比人拎哂, 唯有將其餘果d拎哂番去, 因為我地人多, 可以每人每樣食少少, 咁樣咪可以試齊哂lor~~~ 大致上d甜品都唔係太甜, 味道亦OK, 但最正係梳乎厘, 入口即溶, 但有人話太甜wor~~~

餐飲
凍檸水
42 views
0 likes
0 comments
雖然冇得任飲, 但每人都叫做有杯餐飲, 你可一早叫, 但我地選擇食飽飽先叫番杯冰檸水消滯~~

其實一路食飯一路都好想瞓, 因為呢度非常有情調, d燈較到好暗, 而且人唔算多, d人又唔會太嘈, 唔知係好定唔好 我唯一覺得唔好就係冇生蠔食, 以呢個價錢嚟講, 絕對應該有生蠔食lor~~ 唔係點番本呀 haha~~
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2011-06-15
Dining Method
Dine In
Spending Per Head
$235 (Dinner)
Celebration
Birthday
Recommended Dishes
冷盤
熱盤
帶子鵝肝
生果+梳乎里
  • 龍蝦