I's Land Cafe (Closed)

近排觀塘工業區開咗好多唔同種類嘅餐廳，亦可能租平，所以食物質素一般係比出面好。而今次我就同老婆去食呢一間I's Land cafe。雖然大廈入口同餐廳門口係工廠大廈，開頭我感覺一般，但一入到店，即刻刮目相待，好有格調，老闆應該用咗唔少心機去裝修。嘢食方面，價錢我唔多講，因為每人準則唔同。頭盤我地叫咗一份鵝肝同白酒大蜆，大蜆堅正，好甜，啲蜆好彈牙，食完我仲想飲埋啲湯。主菜方面就叫咗隻德國咸豬手同日本A5和牛扒，我覺得隻咸豬手真係有少少咸，但可能我本身食嘢比較清，然後和牛好食，我要4成熟，肉身唔晏同好有牛味，超正。我比較著重於細節，因為我認為改善服務質素係要由細節做起，所以有一樣嘢要讚係，每一張枱都有一支Tabasco，我之前食好多西餐廳係要問先有的。總結，呢間餐廳值得推薦。