有得餃 (Moved) New Location

同朋友睇完TOY STORY 4出去元朗睇下食D乜野當晚餐，去到元朗都十點幾，到最後決定去有得餃食餃子麵。本身自己很喜歡食餃子，而之前亦都有幫趁過食佢地既餃子。餃子有很多款式，每隻餃子都漲卜卜，皮不會很厚而且餡料很足。去到門口，店舖入面坐滿人，而門口外面開左兩張摺枱坐滿客人。因為是夏天，而近排天氣好熱，我地一直都只想坐店舖入面涼冷氣，但老闆娘話唔知要等幾耐，不如喺門口外面開張摺枱比我地坐住等，店舖內一有位就幫我地轉枱，而我地亦都同意，不過因為實在太熱，order左餃子麵後，一直都無心機叫小食住。可能店舖內太忙，原本我地望到有人埋單走人，我地起身想行入店舖內，點知比一對剛來的情侶打尖坐左入去，我地真係勁無耐奈。到最後等左差唔多十分鐘，終於都有人埋單走人，而我地亦都好醒目地，即刻拎住隻醬汁碟入去坐低。其實店舖內的冷氣都不夠涼，但總好過門口出面無冷氣。我地坐定定之後，就叫多左個醉雞翼及野飲。可能是因為是宵夜時間吧，本身店舖不大，坐位較少，所以很快就會滿座。不過我地用膳其間，有好多人幫趁外賣。事實上佢地既餃子質素唔錯，而且一直保持到水準，我以後亦都會繼續幫趁。