Kokonoi Shokudo (Lime Gala)

夜晚口痕想食日式餐廳，但已經差唔多九點，有餐廳已經準備閂門，見到呢度有一間日式餐廳就上去睇下，喺門口見到價錢都幾平就行到入去食。見到餐單上嘅選擇都好多元化，有壽喜燒有刺身飯，有天丼等等。我就選擇咗火炙刺身飯，然後加大約二十幾蚊左右就可以有一個餐，有埋麵豉湯，沙律同埋茶碗蒸。火炙刺身飯刺身比較少，如果可以多番少少刺身同燒耐小小會開心啲，因為食落去有啲刺身比較韌，沙律菜同麵豉湯正常水準，茶碗蒸蒸得比較老，同有啲太實， 希望下次去可以改善下。