無無聊就去了平時做嘢諗嘢的工厦飯堂
利申：我工作環境不在此地或工厦，但就係仲意去呢間工厦飯堂😉
平時工厦飯堂比我嘅感覺：食物馬虎或者環境麻床好逼夾…..
但係呢間啲嘢食，即叫即煮，又夠鑊氣，選擇多，又坐得舒服……種種原因都會令我食完返嚟再食.🤣
我避開咗食飯時間，大約兩點到，餐廳夥計任我坐。唔知食乜好，餐牌係有個選擇更加令我麻煩，叫咗個福建炒飯…..我都係第一次睇到呢一款嘅福建炒飯！炒飯內有雞肉，燒肉，蟹柳，急凍蝦，菜心切粒….
賣相一般，但食落去味道好喎，軒汁下的炒飯仍然是一粒粒，真係冇馬虎👍🏽
呢間餐廳食過7-8次，都係冇失望收場
除咗小店，工厦飯堂都係有機會搵到廚藝高手嘅地方，哈哈😋
希望飯堂可以保持水準，價錢份量合理下，俾打工仔一餐好的午餐，繼而開心工作啦💪🏽
