長洲朋友介紹幾次都食唔到，今次訂左位，終於有得食，仲可以一次過試晒我Friend大部份嘅推介。例如：石鍋鮑魚雞、石鍋蟹、蒸金古、涼拌魚皮、胡椒豬骨煲...
本人之前亦試過其他嘅餐館，但呢間嘅老闆娘就會介紹一d比較特別嘅海鮮煮法，食落味道真係唔錯，例如：石鍋鲍鱼雞比陳皮蒸正好多！
當晚現場所見，客人大部份都係本地人（聽我長洲朋友所講），仲有幸俾我見到珊珊姐，係啊，風帆珊珊啊，仲一家大細食飯，佢人好NICE，叫WAITER幫手影相，大方任影！
不過，我想講呢間餐館真係太難搵位啦，如果唔book位，週末基本都唔使諗啦。另外，室內環境係唔錯，但真係細左D咯，如果想打邊爐真係要記得提前訂枱，如果唔係就好似我地咁，大熱天时露天打邊爐真係別有一番風味咯！
