Angry Oppa Restaurant & Bar (Closed)

聖誕季節至中意約朋友岀黎交換禮物，今次聚會地點揀咗呢間充滿聖誕氣氛又坐得舒舒服服嘅韓國菜！叫咗必叫嘅迷你熔岩pizza，有三種味：大醬五花肉、微辣大蝦、蒜香雞肉，每款兩件，全部都好入味又勁多芝士，每咬一啖都拉絲！最中意嘅係大醬五花肉，成件事好match!之後再叫咗個卡邦尼年糕，超好食！年糕勁煙韌，配埋個汁一流！煙肉、西蘭花等配料都好多，食極都仲有，好抵食！最後再叫埋韓式餃子，有四大隻咁多，炸得岩岩好，餡料都好豐富！當然唔少得食韓國菜嘅蜜桃酒！佢會比個細杯你慢慢飲