Pizza Pan

Open Now

Now Closed

今日再黎愛琴坊，發現之前日頭做咖啡三文治，夜晚做酒吧嘅呢間餐廳已經轉型全日做薄餅意粉了！獵奇心態重嘅我，又決定要係度食個晚餐探個究竟。今晚我同朋友就揀左二人餐（$188）。等大概10分鐘就有。期間不斷見到外賣員黎攞外賣，似乎外賣生意唔錯。前菜揀左焗田螺配特色荷蘭汁（原價$38）。呢個前菜好有驚喜，田螺已經全部脫殼，配合薯蓉同啲帶芝士忌廉味嘅醬，真係超正！Pizza Pan食肉獸薄餅（原價$98），呢個要加$10先有，上面就有肉丸、辣肉腸等等，最多肉類嘅選擇。味道方面，肉類同芝士嘅味道幾平衡，唔會太膩。番茄大蝦意粉（原價$68），有四五隻大蝦，好彈牙，全部已經剝殼。蕃茄味就唔算重，略嫌味道偏淡。飲品方面，有可樂、雪碧同忌廉，我地就揀左Coke Zero（原價$15/罐)，薄餅同汽水永遠都係咁夾。呢度係先比錢後上菜，無加一。仲有好大個螢幕播緊英超，可以黎睇埋波。