Read full review
2017-08-31
111 views
新都城啲餐廳近幾年成日轉,呢個舖位都轉咗好幾次今次係開咗幾出名嘅拉麵店,晏晝得閒就嚟試下佢同大部份拉麵餐廳一樣,有得自己調味,有7味粉,蒜粉,胡椒,另外仲有餃子汁因為係自助形式免加一,所以有壺檸檬水係檯面自己斟舖頭嘅deco都幾有日式feel,好似置身日本嘅拉麵店咁事不宜遲,即刻用剔剔紙落單首先叫咗個火炙豚肉濃湯味玉拉麵,麵質揀咗適中味玉係拉麵店嘅意思啫係「味付玉子」,香港人鐘意叫佢做溏心蛋一上檯就聞到好濃嘅豚骨湯味,湯底油份適中幾有光澤,配埋少少蔥同荀,好正宗嘅味道豚肉基本上係好靚嘅豬腩肉,肉質偏腍,火炙後更加添一份燒過嘅香味味玉入面嘅蛋黃係半流心嘅,用嘅蛋好香,就算個樣唔係好上色,但係食到入面到好入味麵質揀適中真係啱啱好,啲麵幾彈牙唔會太腍因為揀咗好耐決定唔到食豚肉定係雞,所以索性追加雞叉燒雞叉燒係用雞髀肉做嘅,同日式叉燒一樣肥瘦有致,簡直係啖啖肉而且追加四塊雞咁多都只係$48,好抵!雖然話就話食肉獸,但係都要懶健康咁叫返啲菜呢個沙拉野菜煎餃完全滿足到我嘅心意同其他餃子唔同係佢係炸嘅唔係煎嘅,但係佢皮好薄,炸完都唔會覺得厚粉而且佢嘅餡入面都有菜,其他煎餃就冇配埋蛋黃醬同蔥都幾夾所以
今次係開咗幾出名嘅拉麵店,晏晝得閒就嚟試下佢
同大部份拉麵餐廳一樣,有得自己調味,有7味粉,蒜粉,胡椒,另外仲有餃子汁
因為係自助形式免加一,所以有壺檸檬水係檯面自己斟
舖頭嘅deco都幾有日式feel,好似置身日本嘅拉麵店咁
事不宜遲,即刻用剔剔紙落單
首先叫咗個火炙豚肉濃湯味玉拉麵,麵質揀咗適中
味玉係拉麵店嘅意思啫係「味付玉子」,香港人鐘意叫佢做溏心蛋
一上檯就聞到好濃嘅豚骨湯味,湯底油份適中幾有光澤,配埋少少蔥同荀,好正宗嘅味道
豚肉基本上係好靚嘅豬腩肉,肉質偏腍,火炙後更加添一份燒過嘅香味
味玉入面嘅蛋黃係半流心嘅,用嘅蛋好香,就算個樣唔係好上色,但係食到入面到好入味
麵質揀適中真係啱啱好,啲麵幾彈牙唔會太腍
因為揀咗好耐決定唔到食豚肉定係雞,所以索性追加雞叉燒
雞叉燒係用雞髀肉做嘅,同日式叉燒一樣肥瘦有致,簡直係啖啖肉
而且追加四塊雞咁多都只係$48,好抵!
雖然話就話食肉獸,但係都要懶健康咁叫返啲菜
呢個沙拉野菜煎餃完全滿足到我嘅心意
同其他餃子唔同係佢係炸嘅唔係煎嘅,但係佢皮好薄,炸完都唔會覺得厚粉
而且佢嘅餡入面都有菜,其他煎餃就冇
配埋蛋黃醬同蔥都幾夾所以都唔使點餃子汁
食完發現呢餐都幾多蔥,碟碟嘢都有
好彩都幾鐘意食蔥,如果唔係就。。。所以如果唔好蔥嘅,記得係剔剔紙揀走蔥啦)
Post