本人及家人素聞食肉獸，無肉不歡，對於住喺將軍澳嘅朋友而家最有福氣啦，我哋今次去咗寶琳準備月尾嘅聖誕節交換禮物，喺商場見到有一間新開嘅燒肉餐廳，叫做和牛燒肉一郎，準確位置係將軍澳貿業路8號新都城中心2期1樓1040-41號舖。
兩個人就叫咗一個任食燒肉套餐，任食120分鐘，包括62款食物+牛肉特選拼盤，人均連加一$450左右，套餐包埋沙律吧，飲品吧和甜品吧。成個套餐最深刻嘅係牛里脊以及牛肋肉肉，肉質鮮甜，色澤分明， 7分瘦3分肥，每邊細火燒大約10秒，七成熟，放入口中，入口即溶，亦唔會好油膩。拼盤仲會包埋唔同嘅時令蔬果，包括南瓜、粟米、青瓜和蘑菇，用作解膩。
火爐都比較易控制，每次可以放六至八片左右，燒到一定時間就要返邊，咁先唔會咁易癡底，仲可以叫埋唔同嘅熟食，包括吉列炸蝦，熟玉紫菜拌飯等等。
甜品方面，仲可以嘗試到好食雪條。
餐廳環境方面，每個人嘅位置都比較闊落，唔會好迫嘅，而且餐廳嘅設計好有時代感，簡潔得來又整潔，落單亦都係用手機QR code scan，方便快捷，唔會出現留單嘅情況。
