Hidden和洋食屋

Open Now

Now Closed

同同事完左工作就去試呢間位於九龍灣既Hidden Cafe,入到去係昭和風格，周圍都係日式海報，仲播住日本電影，氣氛同環境好好，好特別。美食分別叫左芝士年糕，明太子玉子燒，鰻魚茶漬飯同一杯柚子雪笆梳打。首先黎到既係芝士年糕，熱食超好食，年糕外脆內軟，芝士味重。之後到明太子玉子燒，我同同事都覺得明太子同玉子燒好似唔放一齊會好好多，因玉子燒係甜，而明太子又鹹，變左一甜一鹹就會食落去好似各自各既味出黎，如果將明太子放係普通蛋卷就合適啦。至於鰻魚茶漬飯，鰻魚好大條，茶漬飯就同平時日本食既茶漬飯差唔多，冇特別。飲品就叫左柚子雪笆梳打，我覺得柚子既味可以再濃，因為梳打會蓋過柚子既味。