Giá Trattoria Italiana (Closed)

睇蔡生介紹，第一次去試。食物質素可以，但某位本地侍應嘅服務令間餐廳大打折扣。我地係由另一女侍應幫我地落單的。點左餐後該男侍應問都冇問就收走我地隻酒杯。我話我地叫左酒的，佢唔好意思都冇講，只係回一句“哦…又得啫”。食到咁上下，聽到個男侍應同後面枱嘅客有兩句言語上嘅爭執“你地叫埋單嘛，我咪幫你埋單囉……你地d甜品未到我幫你催左啦…廚房嘅嘢我做唔到架喎”唔知上文下理係咩回事，雖然唔係發生係我枱身上，但聽到咁嘅態度我都真係覺得好唔舒服，就算食物點好食，我都唔想再來，恐怕下次又遇到呢個男侍應的特別招待，破壞美好的心情。其他侍應服務都正常，但細心度絕對稱唔上一間高級餐廳,係outback都比唔上。