酩鬼居酒屋

鵝肝牛肉丼，衰過吉野家，成碗濕笠笠，又冇味。

刺身set，好多刺身都唔新鮮。侍應聲稱加38蚊會有師傅幫你將魚頭魚尾熬湯烏冬。等咗半個鐘，終於有湯，但烏冬個湯跟本唔係魚湯，係醬油昆布湯，唔知點解要等咁耐。另外，個魚頭同刺身個魚頭size 好唔同，懷疑唔係同一個魚頭，個刺身魚頭唔知拎咗去邊（重用？）

京蔥牛舌，冇京蔥，係椰菜牛舌。牛舌韌到咬唔開，要成舊食。

叉燒拉面，係Marutai 豬骨湯味即食拉面，湯同面都係同個款一模一樣。88 蚊食即食面，毫無誠意。

魷魚筒，正常味。

梅酒系列飲品，幾好飲。

我唔會再幫趁，亦希望大家唔好去幫趁。

ps. 隔離枱叫咗條烤魚，食咗半條就覺得太難食，叫侍應收番。