荳子 (新都會廣場)

Open Now

Now Closed

今日約咗兩個朋友食lunch，揀咗葵芳beans，等位大概等咗20分鐘。座位都算闊落，只適合同朋友傾偈。我哋午餐時間去，所以都係叫lunch set。兩位朋友都叫咗黑松露軟殼蟹意粉，我就揀咗班尼迪蛋手撕豬仔骨。兩個餐都唔錯。我哋另外仲加咗個芝士薯條share食。黑松露軟殼蟹意粉個忌廉好重，黑松露味好香，配咗隻炸嘅軟殼蟹啱啱啱好。班尼迪蛋手撕豬仔骨，豬肉嘅份量都好多，甜甜地嘅，下面有塊好軟熟既多士。兩個餐都有配一杯餐飲，茶同咖啡都唔使額外加錢。總括嚟講都唔錯，不過呢個lunch Menu都食到有啲厭，去選擇唔算好多，希望之後會有多啲新款啦！