The Wall Street Bar & Lounge

Open Now

Now Closed

Item: The Wall Street Bar & Lounge
Rating: 0
Author: bettytong17

The Wall Street Bar & Lounge

4.5

850 Reviews

Taste

Decor

Service

Hygiene

Value

19725

Tsim Sha Tsui

$201-400

International Wine Bar Salt & Sugar Reduction Restaurant

799

Info:
Restaurant:	The Wall Street Bar & Lounge

To promote a new salt and sugar reduction (RSS) dietary culture and living style to the people of Hong Kong, the Environment and Ecology Bureau, the Committee on Reduction of Salt and Sugar in Food and the Centre for Food Safety of the Food and Environmental Hygiene Department have launched the "Less-Salt-and-Sugar Restaurants Scheme" ("Scheme"). Restaurants participated in the Scheme will offer less salt or sugar options to the consumer or even tailor-make less salt or sugar dishes in designated restaurants. Participating restaurants will be granted with the Scheme Labels for displaying in the premises for public identification. For details, please click here: https://www.eeb.gov.hk/food/en/committees/crss/restaurants.html

bettytong17

Level3

老友同我慶生，我就揀咗呢度試！🥳尖沙咀區地點都好方便同易搵，美麗華酒店直行金巴利廣場斜對面。朋友已經到咗，我有事遲咗少少07:0Xpm到，未入喺門口已經見到入邊非常之熱鬧，可能係happy hour，差唔多坐滿人，店家好貼心，幫我哋安排最入邊張枱比較靜。之前有做功課研究過餐牌，3個人我哋叫咗個二人套餐，但主菜就改咗，冇咗想試嘅火焰香草烤三黃雞，本身諗住都叫多少少嘢㗎啦，所以大家就話散叫啦！😅今日餐湯係周打魚，但因為我唔食魚，所以就加錢upgrade咗龍蝦湯，店家好貼心送多一個餐湯俾我哋。😘周打魚湯正常，龍蝦湯非常之濃郁，而且有個迷你牛角包🥐，好味。兩款前菜，想揀海膽牛角酥但冇，所以就揀磯煮鮑魚&燒牛肉他他配牛油果🥑，兩個前菜賣相都幾精緻，鮑魚正常，新鮮味道唔錯，燒牛肉他他有驚喜，味道好而且份量一啲都唔少🥑亦好新鮮。兩杯飲品我哋揀咗唔使錢嘅玫瑰荔枝茶，呢個就好普通，而且味道比較淡。飯或意粉揀咗香草忌廉意大利飯，意大利飯整得好合格，而且料亦唔少，味道亦好，細細碟但佢同燒牛肉他他都有啲膩，食咗之後覺得有少少飽感。😳主菜比較耐上，而且仲有隻雞，所以初頭想取消隻雞，但大家都想試而且可能都整緊，所

Read full review

老友同我慶生，我就揀咗呢度試！🥳尖沙咀區地點都好方便同易搵，美麗華酒店直行金巴利廣場斜對面。朋友已經到咗，我有事遲咗少少07:0Xpm到，未入喺門口已經見到入邊非常之熱鬧，可能係happy hour，差唔多坐滿人，店家好貼心，幫我哋安排最入邊張枱比較靜。

之前有做功課研究過餐牌，3個人我哋叫咗個二人套餐，但主菜就改咗，冇咗想試嘅火焰香草烤三黃雞，本身諗住都叫多少少嘢㗎啦，所以大家就話散叫啦！😅今日餐湯係周打魚，但因為我唔食魚，所以就加錢upgrade咗龍蝦湯，店家好貼心送多一個餐湯俾我哋。😘周打魚湯正常，龍蝦湯非常之濃郁，而且有個迷你牛角包🥐，好味。兩款前菜，想揀海膽牛角酥但冇，所以就揀磯煮鮑魚&燒牛肉他他配牛油果🥑，兩個前菜賣相都幾精緻，鮑魚正常，新鮮味道唔錯，燒牛肉他他有驚喜，味道好而且份量一啲都唔少🥑亦好新鮮。兩杯飲品我哋揀咗唔使錢嘅玫瑰荔枝茶，呢個就好普通，而且味道比較淡。飯或意粉揀咗香草忌廉意大利飯，意大利飯整得好合格，而且料亦唔少，味道亦好，細細碟但佢同燒牛肉他他都有啲膩，食咗之後覺得有少少飽感。😳主菜比較耐上，而且仲有隻雞，所以初頭想取消隻雞，但大家都想試而且可能都整緊，所以話食唔晒就拎走啦！🤣牛柳配大蝦，叫七成最好再熟少少，因為我哋三個都怕生，特別我兩個friend平時見少少類似血水（肉汁）佢哋都會唔多食。🙈上嚟切開其實應該啱啱七成，切開都有唔少肉汁嘅，所以佢哋兩個就食頭尾我就食中間，牛柳質素唔差，切落去感覺比我哋預期生，但冇平時有啲太生嚼唔多到，所以真心唔錯。👍🏻之後期待嘅🔥燒雞到場，真係幾有驚喜，而且估唔到咁大隻，所以都要問佢攞個盒拎走半隻，如果二人餐本身個主菜有得揀佢，我哋三個女仔可能叫多一個小食或前菜已經好夠，咁就抵食經濟啲，隻雞真係冇叫錯，好味之餘而且好滑，連平時比較嚡嘅雞胸佢都唔嚡，呢個真係值得試。🤤最尾仲有驚喜，老友訂位時候講咗有朋友生日，店家話盡量安排，最後都安排咗小蛋糕同火焰燭火💥，今日用餐過程非常之開心，店員全部都好有禮貌而且態度好好，估唔到英倫風樓上吧食物質素一啲都唔差，真係值得一試，過咗一個愉快嘅晚上。🥰
利申只係上網search見到呢間餐廳去試，冇任何用餐款待或試食優惠，兩個朋友請我食生日飯，加埋一應該$10XX左右，店家淨係送多個餐湯同生日蛋糕仔俾我哋。😅我見店家都好識做同埋好好禮貌，所以先寫咁大段食評支持吓。😛