店內約有二十張燒肉枱，座位寬闊舒適，枱底直駁煤氣喉管。
前菜有沙律，沙律菜用上普通中式生菜，味道普通。反且韓式一碟有驚喜，特別係海帶/海苔？酸酸的帶爽口，認真開胃。
［
部隊鍋］
平常兩個人食韓國燒肉，好難同時食到部隊鍋。理個5號餐有部隧鍋跟，有芝士腸薄切、餐肉、黃豆、蔥白、豆腐、芝士和麵，每樣都有少少，份量不多，滿足到食韓燒既人既為食慾
。職員即場倒入凍清湯，不到三五分鐘就在席間煮滾。芝士完全溶在湯中，飲湯變成橙色。而芝士湯掛在剛煮散既麵上，入口味道豐富，可以一試再試。
[
火炙霜降牛肉壽司］
睇餐牌以為生食，上菜時職員為你塗上沙律醬，即場用火槍燒熟，完全一面反轉再燒另一面，觀賞味極濃，途中已刺激我舌尖的口水！牛肉入口鮮嫩，油花豐富且均勻，沙律醬燒熱後亦可口。另一個餐有八件，相信我都可以食得完
。
［
5牛豬肉套餐］
款式有很多，有霜降牛肉、牛排骨、護心肉、蝦、蔬菜，份量適中。重點是護心肉！護心肉是豬心口前面塊肉，預先調調味，入口鮮嫩不靱，小小一細塊，滿有驚喜
另外霜降牛紋理油脂分布均勻，亦不會靱和帶渣。蝦是另一亮點，挑腸中間塞滿蒜蓉，上火一燒即熟，肉身亦爽口。
由於光顧時才第二天營業，職員不時捧錯餐但亦可以體諒，飲食業請人真的不容易，難得是門口派飛的職員非常有禮貌，笑容可掬。而套餐本應包括甜品，可惜刨冰機臨時壞了，經理提議用飲品代替，可惜本人已飲飽食醉，特飲亦不能拿走。其實這種情況不是食客的過失，套餐訂名的內容如果餐廳不能提供，協商減收費用亦非常合理。最後經理手簽賬單下次享用，亦算做法得宜，始終第二天營業，突發事件的臨場發揮的確考職員功力。
總括而言，在葵芳有多幾間優良食肆，街坊多幾個選擇都係新界朋友既福氣。
