Read full review
2019-07-17
58 views
店員非常親切，用心向我地介紹每一款食物。食物有水準，最難忘係Egyptian Mezze Platter 同甜品，前者充滿濃厚嘅中東色彩，可以一次過試曬多款特色小食，尤其系鷹嘴豆泥同羊肉最出色。而甜品環節，視覺效果一流，味道亦相當好。餐廳氣氛浪漫，推薦情侶一齊黎燭光晚餐。前菜系醃橄欖，口感爽口，帶點微酸，好開胃。Egyptian Mezze Platter Hommos: 食親中東菜都唔少得既鷹嘴豆泥。Lamb Kefta: 非常出色既烤羊肉餅，羊味十足之餘，一啲羶味都冇，兼有淡淡油香，食落熱辣辣，好有驚喜！Feta Cheese 味道香濃，帶點輕輕既咸香。Moroccan Cigars 炸芝士條外層脆卜卜，入面有啖啖芝士。而 Pita Bread 口感香軟，暖笠笠嘅麵包配埋幾款沙律同醬汁，好夾。我哋嗌左一份海鮮飯，份量慷慨，仲有大量海鮮。海鮮飯口味偏濃，帶點微辣同酸，米飯粒粒分明，海鮮都幾新鮮。烤雞外脆內軟，肉質香嫩，就咁食就會有啲乾身，但配埋醬汁就岩岩好。最後嚟到甜品環節，估唔到食個甜品都可以欣賞到咁特別既視覺效果。味道類似班戟，口感則外層香脆，內層有特製嘅餡料，配埋糖漿同士多啤梨
店員非常親切，用心向我地介紹每一款食物。食物有水準，最難忘係Egyptian Mezze Platter 同甜品，前者充滿濃厚嘅中東色彩，可以一次過試曬多款特色小食，尤其系鷹嘴豆泥同羊肉最出色。而甜品環節，視覺效果一流，味道亦相當好。餐廳氣氛浪漫，推薦情侶一齊黎燭光晚餐。
前菜系醃橄欖，口感爽口，帶點微酸，好開胃。
Egyptian Mezze Platter
Hommos: 食親中東菜都唔少得既鷹嘴豆泥。
Lamb Kefta: 非常出色既烤羊肉餅，羊味十足之餘，一啲羶味都冇，兼有淡淡油香，食落熱辣辣，好有驚喜！
Feta Cheese 味道香濃，帶點輕輕既咸香。
Moroccan Cigars 炸芝士條外層脆卜卜，入面有啖啖芝士。
而 Pita Bread 口感香軟，暖笠笠嘅麵包配埋幾款沙律同醬汁，好夾。
我哋嗌左一份海鮮飯，份量慷慨，仲有大量海鮮。
海鮮飯口味偏濃，帶點微辣同酸，米飯粒粒分明，海鮮都幾新鮮。
烤雞外脆內軟，肉質香嫩，就咁食就會有啲乾身，但配埋醬汁就岩岩好。
最後嚟到甜品環節，估唔到食個甜品都可以欣賞到咁特別既視覺效果。味道類似班戟，口感則外層香脆，內層有特製嘅餡料，配埋糖漿同士多啤梨，味道一流。
Post
