上湖 (Closed)

今日同舊同事嚟打邊爐諗住飯聚一下☺️ 每台都會送返一份刺身同海鮮拼盤。我哋揀咗要鴛鴦湯底：麻辣，藥膳。湯底其實都算唔錯，牛頸脊同美國肥牛都值得一讚既，係幾好味。魚滑都相當唔錯。.但店員就因為我地嗌得太多牛而開始態度惡劣🤷🏻‍♀️ 我地第一輪點牛頸脊係寫佐四份，我地見到黎佐一大碟，以為下次要返一樣都係寫返四份就無錯。但店員過到黎就質問我地係咪真係要四大碟，再話我哋食唔晒要額外收費🤷🏻‍♀️ 然後周不時用藐視嘅目光過嚟睇我哋食唔食得晒🤷🏻‍♀️ .仲剩返30分鐘時間嘅時候，店員竟然行埋黎同我地講：你哋唔好傾計啦，快啲食埋啲嘢！真係第一次幫襯一間野叫人哋唔好傾計🤷🏻‍♀️ 即係我兩個鐘任食就唔可以講嘢淨係食😂 我哋已經深感無奈，後尾夠鐘嘅時候，一言不發就收走我哋嘅餐具，仲收走埋個煲，最後仲講咗句：你地要傾計要出去傾㗎啦🤷🏻‍♀️ 逗留多1秒都唔俾嘅態度，有其他食客早過我地嚟都未比佢趕走，係咪我哋冇表達我地不滿就可以咁樣欺人太甚🤷🏻‍♀️.收咁貴嘅價錢去食任食嘅打邊爐但係要咁樣俾人趕走仲要唔俾人傾計嘅，就算幾好食都無用🤷🏻‍♀️