La Maison D'Elephant

一個人落左火車諗住食個lunch先返屋企!點左個海南雞飯$98，嚟到賣相係唔差，但雞肉全份都帶“鮮粉紅色”，我即刻同侍應講，佢話幫我叮一叮，我話換又好、叮又好，最後佢係換過份無咁紅既比我!但食第一啖飯既時間，d飯係爛到好似BB糊仔咁， 係唔使趙都可以即吞落肚， 我嘗試去接受食多一啖， 發覺真係接受唔到，唯有硬住頭皮，再同佢哋侍應講， 本來有個女仔 同我講左可以畀我換個炒金邊粉$118!
跟住有另一個男人攞返個碟雞飯過嚟， 話換返個白飯畀我好唔好？ 可能佢哋好介意我食咗佢一件雞啦， 覺得我搵佢著數， 我就馬上同佢講，我話你即刻畀張單我啦，我唔食喇我照畀錢!
跟住另外一個男人呢攞單過嚟! 感覺佢好似仲唔忿氣過我， 話佢哋唔可以咁樣改單! 我話“得啦唔使多講，你貴姓？”
我姓葉係經理!

好唔好食呢，每個人既標準都唔同! 你的海南雞生d， 可能係想佢啲肉嫩啲， 但始終都係雞， 每個人嘅接受程度都唔同! 但係你啲飯爛到咁樣， 都可以照攞出去畀客人， 真係遠超標準! 同你哋反映，真係一個意見， 但奈何原來你啲伙記，係咁接受唔到人哋嘅意見!做飲食都要QC， 過得自己先過得客人!

永無下次！