Read full review
2018-12-16
938 views
同朋友飯聚,大家平時食得西餐多,今次轉轉口味食韓國菜~用某訂座app訂6:30時段入座有七折!我地準時去到餐廳拎位,帶位同事登記後俾左張紙仔我地,話埋單時出示返,如果唔見左就無折扣優惠⋯⋯其實入座登記左,我埋單時再show一次app既訂座畫面唔得咩?如果最後真係遺失紙仔,係咪真係唔俾discount客人呢?收好紙仔,我地就坐低左,結果坐左5分鐘,都無人拎餐牌俾我地,但我地係望到近廚房出菜位係有幾個樓面傾左係度傾偈檯面有鐘仔㩒,我地㩒完之後,都係無人理我地⋯我唯有行出去搵返帶位同事:「唔該,我地坐左咁耐都無人拎menu俾我地呀」「⋯哦」(遞menu)「我地仲㩒埋鐘仔都無人應」「⋯哦」雖然佢係做reception,樓面野可能真係唔關佢事,但係態度真係令人好不解⋯一句「唔好意思」或者「幫你提提D同事」都好呀講返野食,我地叫左「芝士薯條」($118)、「田園沙律」($98)同「蒜香健康烤雞」($168)野飲方面同行朋友叫左杯Somersby Rita($78)同柚子茶($30),我就揀左檸檬梳打($48),野飲無咩特別,唔多講~講下野食啦芝士薯條非常大碟,用上類似M記既幼薯條,面頭撒上大量芝士
我地準時去到餐廳拎位,帶位同事登記後俾左張紙仔我地,話埋單時出示返,如果唔見左就無折扣優惠⋯⋯
其實入座登記左,我埋單時再show一次app既訂座畫面唔得咩?如果最後真係遺失紙仔,係咪真係唔俾discount客人呢?
收好紙仔,我地就坐低左,結果坐左5分鐘,都無人拎餐牌俾我地,但我地係望到近廚房出菜位係有幾個樓面傾左係度傾偈
檯面有鐘仔㩒,我地㩒完之後,都係無人理我地⋯我唯有行出去搵返帶位同事:
「唔該,我地坐左咁耐都無人拎menu俾我地呀」
「⋯哦」(遞menu)
「我地仲㩒埋鐘仔都無人應」
「⋯哦」
雖然佢係做reception,樓面野可能真係唔關佢事,但係態度真係令人好不解⋯一句「唔好意思」或者「幫你提提D同事」都好呀
講返野食,我地叫左「芝士薯條」($118)、「田園沙律」($98)同「蒜香健康烤雞」($168)
野飲方面同行朋友叫左杯Somersby Rita($78)同柚子茶($30),我就揀左檸檬梳打($48),野飲無咩特別,唔多講~講下野食啦
芝士薯條非常大碟,用上類似M記既幼薯條,面頭撒上大量芝士粉同芝士醬,夠哂撈均成碟薯條,除左芝士,佢仲落左少少酸瓜、紅椒同醃洋蔥粒係面頭,芝士鹹香加上佢地酸酸地既味道,融合得好好,其實唔洗點旁邊個蜜糖芥末醬~幾個女仔都好快清哂
田園沙律一樣係大大份,沙律菜、蕃茄同雞蛋撒上芝士粉、杏仁片同藍莓沙律醬,口感豐富之餘,藍莓沙律醬味道酸甜開胃,同佢黎配薯條烤雞食中和解膩岩岩好!
蒜香健康烤雞,健康二字係佢menu真係有寫既,但事實um⋯係健康過炸雞既
烤雞鋪滿蒜蓉蜜糖醬,稍嫌過多,令到雞皮已經唔香脆,韓式烤雞黎講,食過整得最好既真係Goobne Chicken!
不過醬汁味道都唔錯鹹鹹甜甜,都叫邪惡,但健康二字真係好誤導哈哈哈哈
除左烤雞,佢仲碗左一隻烚雞蛋同薯角,薯角都係急凍來貨烤成,無特別,
而烚雞蛋係非常無誠意既,蛋黃係已經過熟變成灰黃色個種
食緊野其間,見到勁多蚊滋仔咁既蟲仔係檯度爬,仲爬埋入我朋友杯野飲⋯衛生問題需要正視,唔係一兩隻,係趕完又有趕完又有⋯
七折優惠只限食品,野飲係無既,堆單每人$130左右⋯只可以講,無折絕對唔抵食
而咁既服務同普通既食物質素,有折我都未必再黎~
Post