百樂潮州私房菜

Open Now

Now Closed

餐廳幾雅緻，分別有三個房間，有侍應幫忙掛外套，唔使自己拎住咁論盡，服務好好。.餐前小食有琥珀合桃及甜酸菜，前者甜甜地又脆口，完全食到停唔到；另配功夫茶沖洗味蕾，準備開餐。✨潮味雅饌-傳世盛宴（$980/ 位起）.🔸精·緻🥢潮州滷香凍鮮鮑魚夠晒入味，但又唔會蓋過鮑魚本身嘅鮮味，配青瓜片幾醒胃。🥢潮州滷水豬腳筋豆腐豆腐吸晒滷水汁，豬腳筋軟腍，膠質豐富黏口。🥢黃金三色蝦多士虎蝦大隻彈牙，內有卜卜脆蟹籽，多士底炸得香脆兼鬆化。🔸養·生🥢花膠青欖燉鮮鮑魚湯味道濃郁帶青欖嘅回甘，花膠厚身兼充滿膠質，入口黏住個嘴，鮑魚又夠鮮味。🔸鮮·活🥢胡椒焗阿拉斯加蟹伴長旺蟹肉鮮甜，底部粉絲吸收晒蟹肉精華且帶胡椒香，另小鍋底部有蠟燭keep住溫度，抵讚！🔸禽·戲🥢八寶片皮雞雞皮脆到似玻璃，手撕雞肉和多款果仁撈埋一齊同食，口感好豐富。🥢四式滷水拼分別有鵝肝、墨魚、鵝頸肉、粉腸和豆腐，鵝肝口感綿密滑溜，墨魚爽口彈牙，鵝頸肉去骨啖啖肉，滷水味一層層咁出，唔會死鹹。🔸時·令🥢方魚炸鹹肉炒芥蘭芥蘭炒得爽脆，帶方魚和鹹肉嘅香味。🔸五·穀🥢上海小籠包外皮厚薄適中，內裏充滿肉汁，食到呢度已經好飽。🔸甜·沁🥢鴛鴦甜品豆磚奶酪：豆味