今次我嗌咗招牌菜：雪花芝士山鍋和西班牙海鮮泡菜飯同麻辣泡菜煮成斤重蜆
雪花芝士山鍋
尼道菜絕對係Seoulmate Cafe的視覺焦點！令人忍不住先拍照打卡
除咗芝士鍋之外，仲有肉丸牛扒同埋麵包配搭芝士鍋超正！尤其佢哋個芝士火鍋，並唔係韓式嗰一種芝士係有少少似瑞士芝士火鍋嗰一種，所以食落去唔會咁漏~
牛扒預先已經煮好，大概三成熟就咁食都得，兩個人share都已經好飽🤣
西班牙海鮮泡菜飯
尼道菜將韓國泡菜飯與西班牙海鮮飯的元素結合，創意十足。
米飯炒得粒粒分明，帶有泡菜的酸辣和微微的炭香。
特別值得一提的是，泡菜的酸辣味與海鮮的鮮甜完美平衡，既有韓式料理的濃烈風味，又帶點地中海的清新。份量亦都係比較多，適合4人享用
麻辣泡菜煮成斤重蜆
尼道菜是辣食愛好者的福音！
餐廳用既係沙白，所以肉質更肥美，搭配韓式麻辣泡菜湯底，辣中帶酸，令人胃口大開。
辣度適中，連不特別耐辣嘅朋友仔都可以接受。
蜆肉煮得啱啱好，如果配一碗白飯更是絕配😆
最後甜品嗌咗個蛋中的焦糖燉蛋，食落去好cream好滑，一個普通嘅燉蛋佢哋嘅造型都咁靚打卡一流！
另外餐廳仲有好多打卡嘅飲品分別係北極熊系列同埋雪山奶蓋系列，冰極熊飲落去唔會好甜，雪山奶蓋就冇平時嗰啲飲品咁漏同埋佢哋係甜嘅奶蓋唔係鹹嘅奶蓋！
