心之食堂 (Under Renovation)

之前都食過呢間心之食堂，同屋企人都覺得唔錯，所以今日帶朋友再嚟返兜食物款式一如以往都係多，而且價錢都變過每次嚟到必叫嘅彩虹卷，有炸蝦、牛油果、青瓜、黑魚子同蟹子，口感非常豐富，炸蝦炸得好脆，蝦肉爽彈，配埋牛油果同青瓜，味道好夾，而且中和炸蝦嘅油膩感炒雜菌，份量都幾大碟，有金菇、雞髀菇同本菇，非常香牛油味，同埋好爽口，加埋木魚，別有一番風味炸紫薯餅，平時炸薯餅就食得多，紫薯餅都係第一次食，非常重紫薯嘅香味，而且仲有栗子粒，外面脆，裏面就非常軟滑呢個鐵板豆腐非常有驚喜，係用味增醬製成嘅，味道非常濃郁，豆腐燒到外脆內軟，好出色芝士炸雞，非常邪惡，滿滿嘅芝士，配上香脆嘅炸雞，味道非常夾，雞肉嫩滑，我建議要快啲食咗佢先，唔係凍哂嘅話啲芝士就會杰身除咗食彩虹卷，今次試吓新野李小龍卷，其實材料大致上一樣，只不過炸蝦變成炸蟹鉗，又估唔到幾好食喎，蟹鉗脆卜卜，好香蟹味炸雞軟骨都好出色，炸粉唔會話好厚，有少少椒鹽調味，送酒一流每次必點嘅係鹽燒雞翼，燒到外脆內滑， 食得出雞肉嘅鮮味，用少少鹽調味已經好夠，落埋旁邊嘅檸檬汁，感覺好Fresh食咁多嘢又點少得叫番杯烏龍茶，解膩之選，烏龍茶味道濃郁，茶味出眾，不錯