CHICK & RICE (Hoover Mansion)

最近疫情轉差, 取消曬已經計劃好的假日活動, 也沒有外出用餐。今日放假帶呀仔去剪頭髮💇‍♂️, salon位置好近長沙灣壽司郎🍣, 好想食呀, 經過門口都見到好多人等位, 不過呢排都係謹慎D好。一早上網睇好左幫襯呢間有段網上📺短片介紹過既餐廳, 餐廳位置有D隔涉, 唔近長沙灣地鐵站亦都唔近荔枝角地鐵站, 難得今日到附近剪頭髮, 就決定買外賣返屋企做午餐。

1

買左招牌海南雞油飯, 古早鹵水元蹄油飯同生煎瑤柱鹹魚肉餅油飯。

每個飯都包一碗湯 - 南瓜🎃粟米湯。我最愛飲的煲湯之一(另一款是蕃茄薯仔🥔湯) 估唔到出面餐廳都飲到。 好飲, 料多味濃, 有住家湯既感覺。

海南雞油飯 - 米飯粒粒分別唔油膩。海南雞肥瘦適中, 件件無骨厚肉, 肉質爽口彈牙又入味。
鹵水元蹄 - 對上一次食到好味豬手係可可豬海南雞專門店, 其餘時間我都避免嗌豬手的, 食到肉質乾硬無味又或者豬皮過厚無肉食既機會好大。但因為網上短片對雞仔的鹵水元蹄高度讚賞所以試下。質素果然不錯, 元蹄外皮燜得軟綿綿, 入口即化, 肉質嫩滑入味。
生煎瑤柱鹹魚肉餅 - 雞仔的海南雞, 元蹄同呢個鹹魚肉餅都有個共通點, 就係好厚肉, 真材實料, $54 一個飯連住家湯可以說是超值。個人意見, 覺得雞仔既鹹魚肉餅可以再煎耐少少, 咁就更香更惹味。

3

覺得雞仔去骨海南雞專門店啱曬住附近既居民買外賣返屋企加餸, 抵食又好食。