預先訂檯,當然唔駛等位啦,3個人食一個6人卡位,夠哂寬敞,圖文並茂嘅menu絕對可以令食客難以決擇,見到每張檯都有一個gas爐物,想必火鍋一定係推介。
我地點左個牛乳鍋+雜炊,再加一個芝士年糕。
牛乳鍋($380)
有鮭魚,蜆同豚肉(各有6件左右),主菜份量並不多,相比之下配菜會多少少,金姑,豆腐,草姑,腐竹,娃娃菜,一D好普通嘅下欄野......咁嘅價錢當然期待係一個好好味道嘅牛乳鍋,可惜,牛乳味真係微到.....機乎食唔出....牛乳鍋食唔出牛乳味,講唔上好食~只係一鍋好普通嘅二人火鍋,慢慢食都可以食一個幾兩個鐘嘅~~
雜炊($50)
見到食評個個都推介要食雜炊,叫左個鍋物無理由唔煮埋個雜炊,於是就$50叫左個秋田米,有專人喺你面前煮埋,望見佢將D米放落個鍋入面,慢慢攪下攪下,D湯干左就食得,可惜個鍋無牛乳味,食落只係一個好普通嘅涕撈飯.....所謂嘅秋田米,軟硬度煮到剛剛好,名以頂肚~
芝士年糕($48)
又一失望之作,芝士味唔夠,反而有D薯蓉味,朋友話普通放題任食個D質半更高....
如此價錢,如此質素,打退左再造order嘅衝動,所以最後就賣單走人.....
好失望嘅一餐,成間餐廳除左環境同服務之後,搵唔到賣點係咩?!?!?!俾咁嘅價錢食咁低質半,我寧願食番任食打邊爐,相信價錢可以平幾倍~~~
