我哋一坐低好就上刺身，嘩～有我最愛嘅海膽同帶子呀，好鮮味😋好快就比波士頓龍蝦吸引左，擺得咁靚當然要打卡，仔仔都嘩嘩聲，好多膏又啖啖肉，我食埋仔仔個隻🤣仲有個蟹鉗都好多汁，一開隔離同對面嘅朋友都中招！！
跟住到燒肉喇～我好鍾意食牛（美國牛肋骨，澳洲和牛肉眼，澳洲和牛胸腹，澳洲和牛西冷）我食左好多😍但米澤三元豚西冷都好正呀！仲點左好多串燒，不過雞皮就難搞啲好搶火🙈
時間好快都到左食甜品，仔仔都唔執輸（食左一杯MOVENPICK),仔仔都食唔少野（烏冬，燒肉，炒飯，雞翼，雪糕）...
滿足的一餐，可惜得一個爐（如果有二個爐五至六人享用就正啦）！
