Video
Read full review
2015-06-24
1206 views
要食泰菜好多人第一時間梗係去九龍城! 原來北角都有間好味泰菜 - 曼谷泰菜 !位於北角既曼谷泰菜相當就腳, 一出地鐵站過條馬路就到; 或者坐叮叮(電車)響正門口落車! 食好野記得要Book位, 因為聽到接待哥哥話晚飯walk-in都無位, 所有枱都被reserve晒~ Menu 有好多選擇, 不過生蝦係暫停 真係好多菜式選擇, 呢度只係部分咋, 仲有好多都無影出黎! 小食由泰式春卷/炸蝦餅, 到青木瓜沙律/醃肉碎生菜包, 怎至係椰汁青紅黃咖哩/炒金邊粉/生熟牛肉湯河粉...等等, 應有盡有!先黎個柚子沙律 - 金柚子蝦球沙律!!呢個就一般啦, 柚子有少少苦澀; 而且蝦都唔大粒既... 不過個汁就調得好好! 泰菜必選 - 冬陰公湯!冬陰公好足料, 且辣度適, 好味!! 侍應姐姐仲幫手分湯, 碗碗都有蝦, 絕不是死蝦! 串燒沙嗲 (半打 - $78)可選豬或牛或雞! 而我叫半打只可選兩款, 揀左豬及雞, 豬好味D!椰汁青咖哩 - 豬/牛/雞/雜菜 ($82)份量雖少, 但好好味! 另叫左個蒜蓉包, 蒜蓉包係即叫即整 (勁多蒜蓉), 熱騰騰!明爐烏魚好似係泰菜必選, 但 鹽燒香茅烏頭魚 (
要食泰菜好多人第一時間梗係去九龍城! 原來北角都有間好味泰菜 - 曼谷泰菜 !
位於北角既曼谷泰菜相當就腳, 一出地鐵站過條馬路就到; 或者坐叮叮(電車)響正門口落車! 食好野記得要Book位, 因為聽到接待哥哥話晚飯walk-in都無位, 所有枱都被reserve晒~
Menu 有好多選擇, 不過生蝦係暫停
真係好多菜式選擇, 呢度只係部分咋, 仲有好多都無影出黎! 小食由泰式春卷/炸蝦餅, 到青木瓜沙律/醃肉碎生菜包, 怎至係椰汁青紅黃咖哩/炒金邊粉/生熟牛肉湯河粉...等等, 應有盡有!
先黎個柚子沙律 - 金柚子蝦球沙律!!呢個就一般啦, 柚子有少少苦澀; 而且蝦都唔大粒既... 不過個汁就調得好好!
泰菜必選 - 冬陰公湯!冬陰公好足料, 且辣度適, 好味!! 侍應姐姐仲幫手分湯, 碗碗都有蝦, 絕不是死蝦!
串燒沙嗲 (半打 - $78)可選豬或牛或雞! 而我叫半打只可選兩款, 揀左豬及雞, 豬好味D!
椰汁青咖哩 - 豬/牛/雞/雜菜 ($82)份量雖少, 但好好味! 另叫左個蒜蓉包, 蒜蓉包係即叫即整 (勁多蒜蓉), 熱騰騰!
明爐烏魚好似係泰菜必選, 但 鹽燒香茅烏頭魚 ($178) 更吸引!!
烏魚啖啖肉又夠鮮味, 再配上特製汁 (青檸+魚露等等所調整出來) 真係好好好好味道呀!!
粉麵點左個 香辣乾炒豬肉河粉 ($78), 食得太快唔記得相機食先 呢個好辣呀, 一邊食要一邊凍飲, 不過食唔停口! 佢係用上肥河粉, 即係好粗好粗 (闊度至少有3-5cm)既河粉! 個豬肉真係好得, 好入味, 淋得黎唔韌!
最後仲點左泰式炒通菜 ($68), 雖然辣, 但辣得黎又好鬼好味!
不過杯芒果沙冰就唔得啦, 飲得出唔係新鮮芒果, 有d失望!
到甜品啦!! 甜品點少得 Mango Sticky Rice - 香芒椰汁糯米飯 ($52), 用上泰國芒 配上多椰汁鴛鴦黑白糯米, 好好味呀~ 芒果清甜, 上層黑糯米; 下層係白糯米, 煙韌有口感!
另外仲點選左甜品拼盤 ($78十件), 一次可以試幾款泰式甜品... 由椰汁千層糕到椰汁西米糕, 椰奶木薯都有! 平均都好好味, 飽飽, 滿載而歸~
分享到此為止, 拜拜~
Post
