喜鍋 海鮮.點心.活刺身 蒸氣石鍋專門店 (Closed)

今晚又約人去開餐啦，耐不耐出街食下飯，試下新野，人生就係有咁多開心期待！友人約我去食蒸氣火鍋，呢間係尖咀，都貴架，但係好高級，尤其係樓底高，有大紅燈籠高高掛，啊原來有幾個鳥籠罩著的燈，好好玩的裝修！D野係好食，因為全部用蒸鍋高溫桑拿，D龍蝦、虎蝦咁，高溫桑拿下，保留左天然鮮味，D龍蝦膏好甘香，D海鮮真係好鮮好甜，唔使點咩醬都好好食!重有係梅菜蒸菜芯，真係好天然，D梅菜的咸甜，配清新菜芯，原來好特別，真係唔知點講的好食！甜品係蒸鬆糕，以為好普通，但係真好吃，好鬆好綿呀，清甜中食到那黑蔗糖的甜味，高溫桑拿真係好保存食物的天然味道！原來食左咁耐，現在真正明白咩叫真味道,天然係重要POINT！不過價錢有點貴。