位於超多食店嘅湖光街。
店內環境帶點中式，應該唔系新裝修，地方簡潔，店員得一個，但客人不多，所以還可以。
食點心要有耐性，點心紙寫明要待15 分鐘左右，襯朋友來之前，揀定曬點心，等佢食完可以即刻返公司。
但基本上十分鐘左右已經上齊曬，不會令客人等太耐。
鮮蝦菜苗餃$32
用上是嫩口冇渣豆苗和爽口蝦肉，餃皮勒性不卻，好吃。
晶瑩蝦餃$32
蝦餃也是皮薄餡靚，全冇失誤，發揮正常水準。
牛肉球$28
食牛肉球必定要下大量喼汁，喼汁酸味可帶出牛肉球的香味，牛肉球口感有彈性，墊底腐竹多啲更好。
魚肚滑雞扎$38
店員奉上時感覺到即叫即蒸的威力，熱騰騰，很有質感啊！一大片腐皮卷着有厚身冬菇、軟稔魚肚、香糯芋頭和雞肉等，鮮香並重。
爆餡叉燒包$32
餡料未達到爆餡嘅效果，以半肥瘦叉燒為主，味道吾差。
估唔到點心店都有日式烏冬，價錢都幾合理，就叫咗「炭燒豬軟骨烏東」$52
豬軟骨軟稔入味和滑脫脫的烏東好夾，用上豬骨湯底，當然唔好奢望係自家熬製湯底，但味道不會過分味精，加埋紫菜同昆布成個感覺好日式。
