2
2
14
🍜 櫻花蝦味噌拉麵
一上枱就俾成座「櫻花蝦山」震撼到！湯底用赤味噌混蝦頭熬煮，橙紅色湯汁稠到掛匙！麵條咬落彈牙有麥香，最正係雙豚肉叉燒，厚切腩肉慢煮到入口即化，薄切肩胛肉炙燒到焦邊脆口，夾埋流心蛋黃同脆口木耳絲，非常滋味。
🫕 魚介豚骨沾麵
經常出現的話題，拉麵vs沾麵，倒不如各點一款比較一下。沾麵湯底稠到可以掛企匙羹，魚介嘅煙燻香撞豚骨嘅膠質。而沾麵底屬粗麵，冰鎮過上枱，咬落非常Q彈，夾一束浸落熱辣辣湯汁3秒——掛汁力爆燈！另外，配料嘅慢煮叉燒腍到離譜，糖心蛋流汁撈湯更邪惡。
🥢 小食
- 冷豆腐：凍豆腐淋鰹魚汁，面頭灑上木魚花，夾埋青瓜絲同蔥花，非常清新。
1
- 芝士年糕：流心芝士湧出嚟！外糯內流心嘅雙重口感，記住趁熱食，凍咗會變芝士橡膠波㗎！
後感：食幸屋，真幸福。
