我地簡左8點半時間食 第一次同女朋友去殿大喜屋食 第一輪既梗係食刺身啦 刺身認真麻麻太普通 完全冇鮮味係到 所以叫左一次就算 太伏
最令人過份既就係蟹腳 我真係諗唔到點解蟹腳解都唔解凍就比個客食 食左落去覺得就似食緊蟹味既雪糕
之後見到個食評話椰子燉雞湯係指完要叫 黎到飲左一淡同餐廳老火湯冇分別
仲有個芝士五花腩完全食緊漢堡扒既味道冇分別 完全唔make sense 總結黎講佢地既熟食既水準非常之差 完全冇驚喜 失望多過驚喜 食評完全好似呃人 食物做唔到張相既效果 見到食評有海膽壽司 其實得海膽手卷仲要個手卷超多飯 食兩個已經飽哂 小弟平時好懶 懶得寫好評 依間亦都係我第二間忍唔到寫負評既放題
