Video
Read full review
2019-12-12
122 views
好耐之前已經見到旺角會開呢間台灣野 已經俾佢地既野食吸引左 但一直都未試到 咁岩今日出開旺角 又諗唔到食咩 就諗起呢間 懶得諗食咩 又想食咁耐都未食到 就黎試下啦個日係星期日 大約1點半左右去到 餐廳好細下 應該得十幾張枱 有一張大枱 當時都未滿既 去到已經有位了 可以即刻入去 店員都唔太多 好似得3個 全部都係講普通話既 睇左陣menu就拿拿林落單 我地兩個人叫左兩杯野飲 一個主食 一個小食同一個甜品最快上既係杯野飲 脆脆布丁歐蕾奶茶 睇到其他枱叫其實睇個樣係覺得幾伏架 但估唔到係咁好飲 之後都見到好多人叫 不斷出呢杯野飲 總知就好好味 完全冇伏之後主食黎喇 叫左個麵 鮮熬豚骨豚白肉關廟麵 落單個陣店員話有幾款麵可以揀架 好似有3款 其中一個係米粉 個人覺得太普通 所以揀左關廟麵 仲有一款麵已經唔記得左係咩黎 揀關廟麵絕對係冇揀錯 啲麵好滑好好味 啲肉又夠淋 一碗兩個人食 一人一碗仔 份量岩岩好過多陣 甜品同另一杯野飲都黎埋 先講甜品 叫左個招牌仙草凍 我地兩個都好中意食芋丸 難得食台灣野 點可以唔叫 所以就叫左 左邊係一大堆仙草 右邊有6粒芋丸 之後有一堆仔類似珍珠奶茶既珍珠既野
個日係星期日 大約1點半左右去到 餐廳好細下 應該得十幾張枱 有一張大枱 當時都未滿既 去到已經有位了 可以即刻入去 店員都唔太多 好似得3個 全部都係講普通話既
睇左陣menu就拿拿林落單 我地兩個人叫左兩杯野飲 一個主食 一個小食同一個甜品
最快上既係杯野飲 脆脆布丁歐蕾奶茶 睇到其他枱叫其實睇個樣係覺得幾伏架 但估唔到係咁好飲 之後都見到好多人叫 不斷出呢杯野飲 總知就好好味 完全冇伏
之後主食黎喇 叫左個麵 鮮熬豚骨豚白肉關廟麵 落單個陣店員話有幾款麵可以揀架 好似有3款 其中一個係米粉 個人覺得太普通 所以揀左關廟麵 仲有一款麵已經唔記得左係咩黎 揀關廟麵絕對係冇揀錯 啲麵好滑好好味 啲肉又夠淋 一碗兩個人食 一人一碗仔 份量岩岩好
過多陣 甜品同另一杯野飲都黎埋 先講甜品 叫左個招牌仙草凍 我地兩個都好中意食芋丸 難得食台灣野 點可以唔叫 所以就叫左 左邊係一大堆仙草 右邊有6粒芋丸 之後有一堆仔類似珍珠奶茶既珍珠既野 食落個口感係一樣 中間有一pat仔芋泥咁 再跟埋個奶茶上 我地先試左唔落奶茶食先 食落係完全冇味 之後先加奶茶落去 再成碗野撈暈 整體黎講都好好味 唔會話好甜 啲芋丸好好食 唔會話好硬 好中意個種口味 不過個人覺得6粒實在太少 不過通常最好食個樣野都係得最少
另外叫左杯野飲係叫愛荔絲之夢 係一杯荔枝味既茶 冇乜特別 普普通通既茶 幾好味 唔會話難飲 正正常常咁啦
當我地食晒主菜同甜品 等左45分鐘亦都係我最期待既手抓餅黎喇 其實之前一直想黎食都係俾呢個有麻糬既手抓餅吸引左 我本身係勁中意食麻糬 凡係有麻糬既野都會特別想試 開頭仲以為好大舊 黎到原來係細細舊 個份量岩岩好 一人一舊 不過食個陣已經覺得唔係熱 已經凍晒 不過都係咁好食 入面既麻糬真係好正
整體黎講 餐廳環境幾好 細細地 服務好好 野食質地都唔錯 唔會話有伏同難食 兩個人share食呢幾樣野已經好夠飽 兩個人埋單都係200蚊左右 幾抵食 下次會再黎試其他野 值得一試
脆脆布丁歐蕾奶茶
$33
29 views
0 likes
0 comments
熬鮮豚骨豚白肉關廟麵
$62
23 views
0 likes
0 comments
招牌仙草凍
$35
35 views
0 likes
0 comments
愛荔絲之夢
$30
18 views
0 likes
0 comments
流心麻糬芋泥雞蛋手工手抓餅
$38
5 views
0 likes
0 comments
Post
