Read full review
2019-07-09
3487 views
我呢個芝士迷今次特登嚟到goobne試佢最新嘅嗰個UFO Fondue。平時食咗韓式雞都會嚟呢一間,因為佢哋啲雞唔係炸,而係烤嘅,成件事健康好多。因為食啲咁肥嘅嘢,特登早好多食晚飯,容易啲消化,結果五點幾上到嚟,冇乜人,勁容易搵位。UFO Fondue $248可以揀兩款唔同嘅雞,因為朋友唔食辣嘅關係,我哋揀咗果味醬油蒜香烤雞,同埋三重芝士烤雞。成個擺盤好震撼,每款烤雞有八隻,中間圍住左三款唔同嘅芝士,加熱之後就會變咗芝士醬,最成功嘅係竟然一啲都唔似底, 芝士好容易就可以圍上啲雞上面。d雞一如以往都係外脆內軟,一啲肥膏都冇,但係裏面啲雞肉都仲係好多汁,加埋芝士,食兩舊都已經好飽,呢一個絕對可以四個人share。韓式粉絲蛋卷$148又想食粉絲又想食蛋捲,之後比我發現竟然有呢個選擇,蛋入面包住啲粉絲,咁就兩樣嘢都食得啦,蛋捲好有蛋味,冇用到水去溝稀。除咗粉絲仲加咗午餐肉,韓式嘅午餐肉真係特別夠味,比起一般係香港食到嘅好食好多。兩個人食咗$500左右,其實我覺得三個人食都絕對夠份量。
因為食啲咁肥嘅嘢,特登早好多食晚飯,容易啲消化,結果五點幾上到嚟,冇乜人,勁容易搵位。
UFO Fondue $248
可以揀兩款唔同嘅雞,因為朋友唔食辣嘅關係,我哋揀咗果味醬油蒜香烤雞,同埋三重芝士烤雞。
成個擺盤好震撼,每款烤雞有八隻,中間圍住左三款唔同嘅芝士,加熱之後就會變咗芝士醬,最成功嘅係竟然一啲都唔似底, 芝士好容易就可以圍上啲雞上面。d雞一如以往都係外脆內軟,一啲肥膏都冇,但係裏面啲雞肉都仲係好多汁,加埋芝士,食兩舊都已經好飽,呢一個絕對可以四個人share。
韓式粉絲蛋卷$148
又想食粉絲又想食蛋捲,之後比我發現竟然有呢個選擇,蛋入面包住啲粉絲,咁就兩樣嘢都食得啦,蛋捲好有蛋味,冇用到水去溝稀。除咗粉絲仲加咗午餐肉,韓式嘅午餐肉真係特別夠味,比起一般係香港食到嘅好食好多。
兩個人食咗$500左右,其實我覺得三個人食都絕對夠份量。
Post