Kinabaji Korean Cafe and Restaurant

平時經過都見到一大堆人喺門口等位，今次就輪到我試吓呢間人氣店舖。今日係平日，但都大概等咗個半鐘先入到座。舖內座位好闊落，絕對坐得舒服，有啲位仲係可以望海景㗎。
.
三文魚子海膽忌廉烏冬 $198
海膽鮮甜細滑，烏冬口感好煙靭，連埋濃郁嘅忌廉汁同三文魚子一齊食都幾夾，可惜份量就偏少。

三文魚子海膽忌廉烏冬

醬油牛肉炒年糕 $138
想食年糕又唔想辣，就可以揀呢款醬油口味。年糕正常發揮都係煙煙韌靭，牛肉份量唔多仲切到有啲碎，醬汁味道偏濃，食到尾會覺得口渴。

醬油牛肉炒年糕

番薯條配柚子蜜糖醬 $68
番薯條份量反而算多，係連睇唔到嘅位都塞滿咗。食落味道係甜甜地，配柚子醬食幾清新，但本人就中意原味多啲。

番薯氣配柚子蜜糖醬

食物質素都可以，但價格稍為偏貴。舖頭係可以用到海港城coupon，半價的話都值得試吓。