Read full review
2022-07-25
82 views
旺角店開業無耐曾經幫襯過一次，見好耐都無食過韓式熱狗，就決定係朋友聚會前買啲套餐頂住當先。太耐無幫襯，發現多咗啲小食同新口味熱狗，一於咩都試啲，分別叫咗S1同A1套餐。今次先講S1套餐 $120，當中包括熱狗2個、芝士球4粒同年糕香腸串。熱狗就揀咗薯條鴛鴦芝腸同鴛鴦芝腸，兩款都有絲絲芝士同半條香腸，唯一分別係前者係麵包炸衣加上薯條粒，令整體味道更香薯仔味。自己仲可以任加仲有大量口味醬汁，食落無咁單調，不過都幾易飽滯。芝士球就混合咗兩款口味，分別有大蒜同車打芝士炸雞球。個人都幾鍾意呢兩款芝士球，前者有拉絲效果，好重蒜香味；後者車打芝士份量夠多，芝香滿溢。年糕香腸串以年糕同香腸相間嘅形式設計，外層都裹上類似燒汁般甜甜地嘅醬汁。特別欣賞年糕用咗油炸處理，食落外層有啲脆感，內裡軟糯。脆皮香腸同燒汁更夾，鹹甜並重。A1套餐為乜都有套餐 $ 78，當中包括熱狗一款、冬甩一個同橙汁特飲一杯，有齊招牌熱狗、小食同飲品，名副其實乜都有啲。今次熱狗就揀咗新口味嘅星星熱狗，冬甩就揀咗Oreo口味。星星熱狗嘅面層痴滿平日常見嘅星星形狀粟米穀物片，所以甜度相較其他熱狗會高啲，夾心都係加入咗拉絲水牛芝士，食落似甜
今次先講S1套餐 $120，當中包括熱狗2個、芝士球4粒同年糕香腸串。熱狗就揀咗薯條鴛鴦芝腸同鴛鴦芝腸，兩款都有絲絲芝士同半條香腸，唯一分別係前者係麵包炸衣加上薯條粒，令整體味道更香薯仔味。自己仲可以任加仲有大量口味醬汁，食落無咁單調，不過都幾易飽滯。
芝士球就混合咗兩款口味，分別有大蒜同車打芝士炸雞球。個人都幾鍾意呢兩款芝士球，前者有拉絲效果，好重蒜香味；後者車打芝士份量夠多，芝香滿溢。
年糕香腸串以年糕同香腸相間嘅形式設計，外層都裹上類似燒汁般甜甜地嘅醬汁。特別欣賞年糕用咗油炸處理，食落外層有啲脆感，內裡軟糯。脆皮香腸同燒汁更夾，鹹甜並重。
A1套餐為乜都有套餐 $ 78，當中包括熱狗一款、冬甩一個同橙汁特飲一杯，有齊招牌熱狗、小食同飲品，名副其實乜都有啲。今次熱狗就揀咗新口味嘅星星熱狗，冬甩就揀咗Oreo口味。星星熱狗嘅面層痴滿平日常見嘅星星形狀粟米穀物片，所以甜度相較其他熱狗會高啲，夾心都係加入咗拉絲水牛芝士，食落似甜品多啲。
Oreo口味嘅冬甩夾心為厚厚一層牛奶忌廉同Oreo碎，忌廉口感清涼甜蜜，配上經油炸嘅冬甩同Oreo，口味又幾夾，作為飯後甜品一流。
至於橙汁特飲賣相就夠晒搶眼，頂層有原隻鮮橙做裝飾，飲管貫穿後底層有鮮榨橙汁。雖然味道驚喜唔大，但勝在飲落夠清爽解渴。
Post
