岩岩呢個禮拜試完夢幻嘅高級韓國菜🤩
今次就試返啲貼地啲嘅菜式🥰
韓屋有一班韓國廚師班底🧑🏻🍳
主打無味精無防腐劑嘅韓式煮家湯🥘
鋪面雖然唔係好大
但係裝修簡單得黎都好別緻👍
食韓式炸雞燒肉食到厭嘅話
黎韓屋試下地道嘅韓國菜都係唔錯嘅選擇😝
👉🏻餃子湯
呢款韓國料理嘅材料好簡單
係韓式餃子配上高湯同雞蛋煮成
不過估唔到湯底會有一股意想不到嘅鮮味👅
韓式餃子好大粒😛
同埋有一股獨特嘅麻油香😚
簡單嘅材料更加食得出韓國家常菜嘅味道🥰
👉🏻 薯仔豬排骨湯
排骨湯成碗紅色 味道相對濃烈😝
不過又唔會辣到食唔到
符合返香港人嘅口味👍
湯入面仲附有原條豬骨🐽
絕對真材實料
骨上面嘅肉仲煲到用筷子一夾就斷🤪
好食之餘仲方便客人保持食相🥰
