新沙洞澡堂 (Closed)

有吾少人喺疫情前都去過韓國，依家莫講話韓國，旅行都勁耐冇去過🫤去一啲好有當地氣氛嘅餐廳如何？新沙洞澡堂環境好似韓國澡堂咁🚿🧺🧼播住各首韓國流行曲🎼以天藍色同黑色為主題，少女心得黎又型格！兩樣野系可以並存😁✿ 炸午餐肉條 $58午餐肉就冇話好吾好食😂整到一條條咁打卡成份高，香脆可口，做正餐之前嘅小食都不失為一個好選擇。✿ 新沙洞2人套餐 $368呢個套餐個人覺得幾抵食，有泡菜豬肉/ 韓式牛肉拌飯、魚糕年糕湯、炸雞半份(任選一款口味)、韓式croffle(任選一款口味)、自選2杯飲品。1️⃣ 韓式牛肉拌飯 除咗牛肉仲有泡菜、蔬菜🥬芽菜、紫菜。牛肉正常發揮，全部材料撈勻，加入韓式辣醬更有韓式風味～2️⃣ 魚糕年糕湯兩樣份量都好足，年糕煙煙韌韌，有海帶同豆腐，但個湯真系有啲鹹🙊熱啲都會好好多🔥擺咗一陣好快就凍咗。3️⃣ 雪花芝士炸雞(半份)炸雞口味有蒜蓉醬油/ 韓式甜辣/ 麻辣芫茜/ 雪花芝士/ 柚子/ 原味，揀咗雪花芝士，芝士粉好多🧀炸雞外脆內軟，又甜甜哋咁幾正😋4️⃣ 藍柑橘白桃梳打特飲藍色加紫色非常吸睛💙💜白桃味比想像中重🍑清新解膩☺️5️⃣ 雪嶽山(+$10)頂層cream加藍色梳打，乳酸味，似忌廉溝鮮奶😆