。 今次就去由韓國老闆經營的小店"韓盛朗"食午飯啦。
店內的座位不算多, 大約可容納40人左右， 而每枱都會附上熱茶。
今次我必須推介價值$68的L8.炆牛肋骨套餐, 每次我都必食, 實在太味美了
。 順帶一提, 因為老闆是韓國人, 還有部分職員都不會說廣東話, 所以落單時都必須講英文
。
順利點餐後, 店員會送上三色前菜, 分別有: 波菜, 甜薯, 泡菜。
前菜的味道:
波菜: 味道較淡 但有蒜香味 好食
甜薯: 甜度適中 黏口 好味
泡菜: 味道較酸 帶點辣 但食飯好開胃
主菜炆牛肋骨終於到了, 因為套餐的關係, 所以會附上白飯一碗。 而炆牛肋骨的配料有: 牛助骨, 蔥, 冬菇, 白蘿蔔, 紅蘿蔔
。 先評論食物方面:
牛肋骨炆得好腍, 非常入味, 雖然骨比較大舊, 但可能是炆得岩岩好的關係, 每次總是骨和肉好容易就可以分離
,食的時間當相方便。 而配料方面的蔥, 冬菇, 白蘿蔔和紅蘿蔔令肉汁帶鮮味, 非常香濃, 送飯一流。 配料亦非常入味, 令到白紅蘿蔔們都好腍, 整個蘿蔔都充滿哂肉汁, 好香好正。 總結:
午飯時間無得訂位, 先到先得, 需收取加一服務費, 點餐時需要講英文。 而食物方面, 有用心機去處理食物, 炆得好香又入味, 值得一試
, 推介推介。
