鳳雛燉雞

Open Now

Now Closed

早幾日去咗旺角想食韓國菜，但係又怕熱氣，就醒起最近好大熱嘅韓式燉雞！差唔多下午時間上到去已經全場坐滿晒，有好地道嘅韓國人仲有韓式MV，差啲以為自己去咗韓國😂我哋叫咗一個大辣燉雞，一個海鮮薄餅，加埋佢哋嘅前菜，估唔到已經飽到上心口😂最令我有驚喜嘅係個燉雞，估唔到就算唔係用炸嘅形式去煮，個雞依然好香滑同入味！同埋有滿滿嘅配菜，所以其實可能淨係嗌呢碟已經好飽😂但係啲冬粉真係好好食🥹條條都索曬汁又煙靭，所以個薄餅都差啲食唔晒🙈薄餅都好香脆，每一啖都食到啲海鮮嘅配料，不過因為我怕太熱氣，所以就不斷用燉雞汁淋上去食，又係另一番風味😆