Read full review
2016-06-16
328 views
今日有朋友升職加人工，我就緊係同佢去食翻餐好嘅慶祝下喇，所以我去左太子等佢，跟住就係順便搵下餐廳，之後就見到呢間餐廳比較新，朋友見到都覺得幾有興趣，所以就決定試下呢間野，一入到去店員好熱情咁招呼我地，仲好貼心咁帶我地入坐，店員之後仲好耐心咁為我地介紹餐廳嘅特色食物，為我地呢幾個問題兒童解決食野問題。DW DELUXE平時都比較少係餐廳食all day breakfast，但餐廳呢個DW DELUXE真係好豐富，因為內裡有煙三文魚，炒滑蛋，火腿，煙肉，焗大啡菇，茄汁豆，扒蕃茄，德國腸，焗薯角，蜜糖栗米粒，烤厚多士，黑醋沙律等十二種食物，而且每樣食物都份量唔少，認真夠晒誠意呀。十二種食物其中嘅焗大啡菇就最令我印象深刻，首先好少有餐廳會提供焗大啡菇做all day breakfast, 而餐廳嘅焗大啡菇絕對唔會有雪藏味，而且入口唔會乾水之餘又夠鮮味，其他食物嘅各方面都一啲都唔馬虎架，令人十分驚喜。炸炸蘑菇我地本身仲猶疑緊叫咩好嘅時候，係店員嘅大力推薦下就叫左兩樣試下，首先就係呢個炸蘑菇。蘑菇雖然經油炸但內裡入口仍然好鮮美，唔會失去本身嘅水份，另外外皮都比較薄，上面有小小五香粉令炸蘑菇更香口，
今日有朋友升職加人工，我就緊係同佢去食翻餐好嘅慶祝下喇，所以我去左太子等佢，跟住就係順便搵下餐廳，之後就見到呢間餐廳比較新，朋友見到都覺得幾有興趣，所以就決定試下呢間野，一入到去店員好熱情咁招呼我地，仲好貼心咁帶我地入坐，店員之後仲好耐心咁為我地介紹餐廳嘅特色食物，為我地呢幾個問題兒童解決食野問題。
DW DELUXE
$115
91 views
0 likes
0 comments
平時都比較少係餐廳食all day breakfast，但餐廳呢個DW DELUXE真係好豐富，因為內裡有煙三文魚，炒滑蛋，火腿，煙肉，焗大啡菇，茄汁豆，扒蕃茄，德國腸，焗薯角，蜜糖栗米粒，烤厚多士，黑醋沙律等十二種食物，而且每樣食物都份量唔少，認真夠晒誠意呀。十二種食物其中嘅焗大啡菇就最令我印象深刻，首先好少有餐廳會提供焗大啡菇做all day breakfast, 而餐廳嘅焗大啡菇絕對唔會有雪藏味，而且入口唔會乾水之餘又夠鮮味，其他食物嘅各方面都一啲都唔馬虎架，令人十分驚喜。
炸
炸蘑菇
$58
63 views
1 likes
0 comments
我地本身仲猶疑緊叫咩好嘅時候，係店員嘅大力推薦下就叫左兩樣試下，首先就係呢個炸蘑菇。蘑菇雖然經油炸但內裡入口仍然好鮮美，唔會失去本身嘅水份，另外外皮都比較薄，上面有小小五香粉令炸蘑菇更香口，味道更宜人。除此之外，炸蘑菇嘅形狀比較整潔同擺盤都比較吸引，所以令人係視覺同埋味覺有雙重嘅享受
水牛雞翼
$78
45 views
0 likes
0 comments
呢度嘅水牛雞翼係即炸嘅，我都真係比較小係香港食到即炸嘅水牛雞翼，呢度為左更貼近港人嘅口味客人係叫水牛雞翼嘅時候可以同店員表明自己食辣嘅程度，餐廳可以因此調節辣嘅程度。而我地就係唔太食得辣嘅，所以餐廳就貼心嘅為我地減低左辣度。而水牛雞翼外皮入口非常香脆，陣陣嘅香料味衝擊住我嘅嗅覺，而內裡嘅肉則保持鮮嫩，一啲都唔會老，而且一客水牛雞翼有8隻夠晒份量，岩晒我地慢慢食慢慢閒聊。
拿破崙車厘茄秋葵炒意粉
$88
38 views
0 likes
0 comments
餐廳嘅意粉都係好講究架，因為餐廳選用嘅意粉係Spaghettini，這是一種比Angel hair(最幼的意粉)稍為粗一點的意粉，全香港只有數間間餐廳會選用這種意粉，由此可見餐廳對食材嘅選用真係非常有誠意架。而且呢個拿破崙車厘茄秋葵炒意粉是餐廳為素食者而設嘅一款意粉，個人都係第一次食帶有秋葵嘅意粉，秋葵份量真心唔少，入口仍然不失口感，唔會變過軟，而主角意粉果然係非常幼身，不過餐廳炒得岩岩好，口感十足嘅同時味道亦非常平均，比起唔少嘅專食意粉嘅舖頭做得更好，令人對意粉有另一番嘅感受。
黑松露薄餅配沙律
$188
28 views
2 likes
0 comments
呢個黑松露薄餅未食都已經聞到陣陣嘅黑松露香味，岩晒我地呢班黑松露發燒友。薄餅嘅餅底唔會太厚，入口夠晒香脆同時加埋陣陣嘅黑松露香味，啖啖都有不同層次嘅享受，一試難忘。
今次感覺自己非常幸運係不經意間發現到呢間餐廳，不過餐廳真係俾左非常美滿嘅晚餐我地，因為餐廳嘅食材甚至最後上枱嘅食物都俾我地一般接觸到嘅餐廳店做得更有誠意，同埋更有細緻，下次有機會都要再黎先得。
Post
