今晚同主子行尖沙咀, 行完廣東道蘋果店後, 就過左隔離7樓食小菜, 呢度7點都冇乜人食飯, 我地叫左秘製蜜椒牛腩粒, 土豆沾滿黑椒同蜜糖, 好好味, 牛腩煎到好香口, 好特別, 又脆又甜, 然後叫左個薑蔥魚腩煲, 薑蔥都好入味, 唔太咸,魚腩就稍為多左啲細骨, 要好小心食, 加多個椒絲腐乳通菜, 都炒得夠火侯,正宗既菜肉魚餐,味道還不過不失,不過在食飯途中,發現米奇出沒, 幸好冇跑黎我地呢張枱, 如果唔係真係反枱都趕唔切....而且途中我聞到煙味, 原來有食客在吞雲吐霧,比我感覺更差...
以上食評乃用戶個人意見 , 並不代表OpenRice之觀點。
讚好
用餐途徑
Dine In
