將軍澳廣場嘅「桂花小幸」真係隱藏版台灣菜寶藏！今晚同朋友試左佢哋嘅麻辣系列，係冬天嘅暖笠笠之選！
先講主角「麻辣牛筋腩台灣麵（小辣）」同「麻辣牛腩雞翼台灣麵（小辣）」，兩款都送涼伴貓耳朵！湯底麻辣得來唔嗆喉，花椒香氣夠晒，牛筋腩炆到軟腍入味，啖啖肉超滿足；雞翼就骨肉分離，辣汁滲到入肉，超香口！麵條係台灣直送嘅幼麵，煙煙韌韌，飲啖湯吸晒辣汁，勁正！送嘅涼伴貓耳朵酸辣開胃，解膩一流。
甜品試左 芋頭控黑糖麻糬湯，芋泥香濃！香滑粉糯，黑糖麻糬Q彈，凍飲超清新，甜度啱啱好！
飲品方面，「山茶暮雪」同「茉莉花語」都係微甜少冰，茶味清香；最正係「山茶烏龍茶芝士奶蓋加珍珠」，奶蓋濃鬧又唔會太甜，珍珠彈牙，飲到停唔到口！
環境舒適，台灣小店feel滿滿，服務親切，上菜快。兩個人食到超飽，連飲品甜品總共$240左右，性價比爆棚！
