火薈中日火鍋

Open Now

Now Closed

之前經過酒吧街飲嘢見到有間火鍋店,今日想打邊爐就一於去試下啦一行三人安排咗卡位畀我哋, 由於我哋入座嘅時候已經係接近晚上9點,間舖只得幾枱客。 問經理今晚有咩好食,佢介紹咗我哋食象拔蚌刺身。新鮮嘅象拔蚌點都係鮮甜嘅,三個人食一盤真係大滿足湯底我哋叫咗冬瓜魚翅雞,望落都幾足料,清清地無咁熱氣。我哋一共叫咗兩款嘅牛肉嚟試,一款係美國安格斯牛,肉味濃,唔錯! 另一款用竹製嘅器皿盛載上枱,牛肉色澤比較淡,捲成一捲捲,記得咗叫咩名,總之就肉味較淡,好普通。其他水餃響鈴嗰啲就不過不失。