Read full review
2019-08-01
7287 views
平時都食普通餐廳，偶爾都要食靚餐廳，做下小資女。首先，餐廳既環境真係好好，雖然餐廳唔大，兩邊都係開闊既夜景，其中一邊係有海景添。要坐睇景位，我估要訂位陣要求埋。同埋，餐廳係有一位叔叔彈唱，都係一D鄉村風既英文經典歌，成個氣氛係好輕鬆歡快既。食到後段，凡係慶祝生日既，叔叔都會行去旁邊唱獨家生日歌 XD 都幾多人去慶祝生日呢坐低無耐，店員姐姐就俾杯welcome drink先，係老陳皮燉檸檬，真係好舒喉，感覺真係燉左好耐好火候。前菜-乳酪鮮蝦芒果沙律，清新開胃。餐湯有兩款，我同朋友一人一款，就可以試曬。冬陰功忌廉湯--好特別既湯，冬陰功加左忌廉，口感杰身左，有少少奶香，冬陰既酸味弱左，但都頗辣，成個味道好有層次同好豐富，但又出奇地好夾既黑松露蘑菇湯--濃郁既黑松露香味，蘑菇切粒，好多粒粒，口感好豐富前菜--松露白汁免治豬及魚肉雲吞雲吞幾鮮味，口感都實凈，配埋白汁一起食更好食焗連殼食法國田螺哩道菜係好驚喜！田螺肉已經拆左出來，釀係餅製既殼入面焗，賣相好可愛！味道都好好味，連脆脆既殼一起食，好玩又口味~原板鮮海膽配紐西蘭聖子白汁扁意粉一上台我同朋友忍唔住“哇”左聲，成板海膽一次過落！意粉有菇、
首先，餐廳既環境真係好好，雖然餐廳唔大，兩邊都係開闊既夜景，其中一邊係有海景添。要坐睇景位，我估要訂位陣要求埋。同埋，餐廳係有一位叔叔彈唱，都係一D鄉村風既英文經典歌，成個氣氛係好輕鬆歡快既。食到後段，凡係慶祝生日既，叔叔都會行去旁邊唱獨家生日歌 XD 都幾多人去慶祝生日呢
坐低無耐，店員姐姐就俾杯welcome drink先，係老陳皮燉檸檬，真係好舒喉，感覺真係燉左好耐好火候。前菜-乳酪鮮蝦芒果沙律，清新開胃。
餐湯有兩款，我同朋友一人一款，就可以試曬。冬陰功忌廉湯--好特別既湯，冬陰功加左忌廉，口感杰身左，有少少奶香，冬陰既酸味弱左，但都頗辣，成個味道好有層次同好豐富，但又出奇地好夾既
黑松露蘑菇湯--濃郁既黑松露香味，蘑菇切粒，好多粒粒，口感好豐富
前菜--松露白汁免治豬及魚肉雲吞雲吞幾鮮味，口感都實凈，配埋白汁一起食更好食
焗連殼食法國田螺哩道菜係好驚喜！
田螺肉已經拆左出來，釀係餅製既殼入面焗，賣相好可愛！味道都好好味，連脆脆既殼一起食，好玩又口味~
原板鮮海膽配紐西蘭聖子白汁扁意粉一上台我同朋友忍唔住“哇”左聲，成板海膽一次過落！意粉有菇、聖子一齊煮，我地自己撈勻。
食落去，滿口海膽香味充滿口腔，咬落去，D蟹子會係口入面咬爆，感覺真係好得意。我 覺得係必食既！！未食完已經幸福感滿滿
慢燒美國牛肉眼一上檯，見到分量已經令人興奮，慢燒係近來好流行既煮法，我比較少試，覺得牛扒肉質係比較軟腍，肉汁同牛味都好濃郁，正~
58%朱古力蛋糕最後以精緻既蛋糕作一個完美既句號。
整體來講，餐廳環境氣氛都好舒服同放鬆，店員親切有禮。
食物出品真係有驚喜，款式係比較創新，出品見到係有用心製作，難怪門口係放滿獎狀同報道既剪報。
咁高質既餐廳，真係好值得支持，係約會、把酒談心既好地方，全力推薦~~
Post
